Poezi të preferuara shqipe

[Çaushi]

.........

Kot e ke, më tha ndërgjegja,
Njerëzit s’janë përherë miq.
Ti pandeh se ata të duan,
Por në fakt i ke “armiq”!

I them vetes, pse, s’kanë shkak,
S’kam pushtet, as ofiq…
Nuk urrej askënd në jetë,
S’ndaj të mirë dhe të liq!

S’ka të bëjë, ata s’të duan,
Afërmendsh i ke “miq”!
(Dashuri. ti s’fal. thotë Krishti.
Po s’i deshe dhe armiqtë!)

S’është çudi në këtë jetë.
Midis miqsh ka dhe “armiq”.
Helm i egos i ngërthen…
Dhe i bën, oh sa të liq!

Mos u lig, mos u mpak.
Thotë vetvetja, je një hiç.
I pavlerë në këtë botë,
Po nuk pate dhe “armiq”.

Timo Flloku

[Çaushi]

........

Ndjenjë e lënduar

dhe nuk e bëre as përpjekjen më të vogël
ndjenjës së lënduar t‘i gjesh një ëndje
gjithçka në jetë nuk është dushk për gogël
as vrap i gëzuar drejt përqafimit të një ëndrre...

DD.

[SystemA]

Po bie
Një shi i Bardhë e i kristaltë bie
Mbi zërin e Vaçe Zelës
Ca tinguj elegjie po zgjohen
Në këtë natë me një serenatë
Diku në Lashtësinë e Prizrenit
Sonte vajton një gërnetë.

Pikojnë si lotët e qiellit
Pikojnë gjethet e një muzike
Mbi një varr prej lotësh dënes
Një këngë
Me tinguj të rrëqethur

Po fishken zambakët e Prizrenit
Në cilën lagje hapeshin qepenat
Kur nga radioja e vjetër
Dëgjohej zëri i Shqipërisë

Dje këndonte Vaçja
Ajo dhe sot këndon me një kitarë
Të vetmuar
Me zërin madhështor të korit Hyjnor
Këndojnë yjet “Shqipëri o nëna ime”

Kush tha se vdiq kënga
Ajo jeton në çdo shtëpi shqiptare
Një perëndeshë e muzikës
E cila deri në vdekje nuk abdikoi

Të zbresim deri në fund të notave
Edhe pak këngë ka mbetur
Në arkivolin e kujtesës
Edhe pak
Të dëgjojmë timbrin drithërues
Të Vaçe Zelës.

Si nga një tjetër botë
Më vjen një këngë lahute
Mbase ajo
Akoma këndon këngën e Shqipërisë
“Shqipëri o nëna ime”
Pse ja more zërin e bilbilit
Kush do këndoj pas Vaçes

Janë lëshuar deri në tokë
Degët e pjeshkës
Qershia dënes me ngashërim
Kush do vij pas teje
Moj bijë e shqipes

Malli im
Sonte ka nevojë për një këngë
Kam lot trishtimi
Nga zëri i nëntokës vjen një jehonë
Vaçja si një sirenë deti
Mbi këto kreshta këndon.

Si zëri i erës
Sonte galopojnë vegimet
Kalërojnë kuajt e ujit
Nëpër sipërfaqet e pentagramit
Si nëpër vegime
Kalërojnë notat e këngës së paharruar
“Shqipëri o nëna ime”

Një zë si zëri i Hyjit
Mbi kreshta qëndron
Mbi daullet e kushtrimit
Një nuse
Si ato zana malesh
Me mallëngjim këndon

Kjo është zëri i Vaçes
Që zbret nga lartësitë
Këndon edhe era
Një këngë me lahutë
Nëpër sheshe
Zgjohen shpirtrat e engjëjve
Një bilbil në ograja
Ka heshtur në një skutë.

Vaçe moj
Nusja më e bukur e Kosovës
Këndomë edhe njëherë
Ndonjë këngë me mallëngjime
Mos harro
Por të gjithëve na pëlqen
Ajo e shpirtit
“Shqipëri o nëna ime”

Sonte dua të qaj
Të dënesi si guri i atdheut
Por loti i burrit është kënga
Këtë e kemi mësuar
Që nga koha e Skënderbeut
Vaçe moj nuse
E bukura e dheut

O ju lutem
Mos i ngacmoni tingujt e natës
Sa bukur dëgjohet kjo serenatë
Po vajton shpirti i gërnetës
Me lot ngashërimi
Po dënes edhe kjo natë.

Vaçe moj
Nusja e maleve tona
Krenare
Kush do i përqafoj pas teje
Telat e gjall të kitarës

Unë kam mbetur pa zë
Mbi dunën e shpirtit tim
Po vajton një zog i trishtuar
Po vajton
Tok me një kukuvajkën

Të lutem
Këndoma edhe sonte
Këngën e atdheut tim
Por pa ngashërime
Këndoje edhe njëherë
Të lutem këngën
“Shqipëri o nëna ime”

Këndoje me zërin e atdheut
Le të vijnë në përcjellje
Zanat e Alpeve
Ndoshta mund të zgjohet nga gjumi
Vetë Gjergji Elez alia.

Sonte kemi nevojë
Për hingëllimën e gjokut të bardhë
Të përgjëroj
Këndona edhe njëherë
Këngët e maleve tona

Zgjoji nga legjenda
Trimat e çartur
Sa shumë kemi nevojë
Ta dëgjojmë këngën
“Shqipëri o nëna ime”

Si sot më kujtohet
Kur e mbuloja kokën
Nën një plaf të dhirtë
Dhe në një radio dore
I dëgjoja këngët e tua

Fshihesha pas ëndrrave të mia
Vetëm një vijë uji na ndante
Që mos t’i dëgjojmë lirshëm
Këngët e tua me kënaqësi
Por i dëgjoja fshehur
Si një hajdut

Unë këndej vijës së ujit
Zëri yt andej përroit
I kallte malet

Me sy të lëmekur
I shikoja gjethe e verdha
Këndonin edhe ato këngën
“Shqipëri o nëna ime”.

Sërish vjen një zë
Dhe si freskia e gjetheve
Ledhaton
Lëkurin e zeshktë të erës

Nga degët e vjeshtës
Fluturojnë
Si nëpër përralla dykrenorët
Fluturojnë nëpër kreshte malesh
Zërat e një vajze
Thonë se ishte zëri i Vaçe Zelës

Këndonte edhe era
As lumi i përgjumur nuk e ndalte këngën
Mbi notat e pentagramit
Si një engjëll drite
Zgjohej zëri i fjetur i Vaçes.

Edhe pas ikjes
Unë jetoj me zërin tënd
Sa herë që kam qenë i vetmuar
Në celularin tim
I dëgjoja tingujt për atdheun tim

O të lutem
Këndoma edhe njëqind herë
Atë këngë të bukur shqipe
“Shqipëri o nëna ime”

Këndoma të lutem
Sonte kjo natë e gjatë e shkurtit
Do jetoj vetëm këngët e tua
Që qojnë njeriun nga qivuri
10.

Ti ishe e vetmja
Dhe s’patë dot të dytë
Sot me 06 shkurt 2014
Të gjitha ëndrrat
Në shpirtin tim i ke mbytë.

Adem Zaplluzha.

[edlin]

Parfumi yt (E.Hatibi)



Ti je? Ti je? E njëjta?

Goja jote varr i gjallë detar
Me aromën e fërnetit
Të puthitur trupat tanë nga frika
Në kërkim të mejhaneve pa garipa
të portit
Por ama me “zhurmë e tym” i kërkonim
Që askush të mos na shihte kaq pa frymë e të përkryer
E kështu s’e gjenim një të tillë, këmbët e rënduara
Si shishe na thyheshin në mes
Puthjet e rërën me brazda plagosnim
Në gjurmët tona të thella varrosnim
Gjithë vitet që kishim kaluar pa u njohur
Buzë detesh me emra të ndryshëm

Ajo natë në dritare si pulë e zezë
Ngrohte të vetmen hënë vezake
Nga ku del gjarpëri i gjithë mollëve

Mollët e tua të bardha
Bashkë i kafshuam
Dhe të nesërmen i mallkuam, kur
I njëjti autobus u nda më dysh
Për të na degëdisur në drejtime të kundërta

Tani
Me një guxim të mjerë
Nuhas gjithë ditën, të betohem
Gojët e shokëve në klub, për atë Zot
Eshtë era e saj

[edlin]

Ervin Hatibi

Afrohu
Dua ti harroj sot fjalet
le te flasin vete veshtrimet,
le te flase dora qe dridhet,
ketu mbi kitaren time.

se kur erret bie nata
nje drite ndizet brenda meje,
njerezit fytyrat fiken,
asgje tjeter s'ndjej vec teje.

neper jave rrjedh trishtimi
cigaren prape kam filluar
nuk je ndryshe nga te tjerat
vetem une kam nryshuar.

e terhqeh imazhin tend,
dhe veten neper gjume
jemi bashke, por ne agim,
i vetem mbetem une.

te shoh me qarte kur ti je larg,
afrohu te te dua
dhe nese kjo eshte loje
nuk me pelqen te luaj.

dicka mire e kam ditur
vajzat vdesin porsi lulet
nje petal qe me solli vjeshta
permbi floke vjen e me ulet.

te shoh me qarte kur ti je larg..

[e panjohura]

"Fjalë fyese"

Dikush me pëllëmbë në fytyrë më qëlloj,
e shkrujata në kujtesë, por shpejt e harroj.

Dikush tjetër më shtyu, me shkelmoj,
përseri kujtesa ime shpejt e harroj.

Ndërsa një tjetër me fjalë fyese më qëlloj,
në zemër më vrau, në shpirt më lëndoj.

Ka kaluar shumë kohë por se kam harruar,
plagë e kam në zëmër, plagë të pashëruar.

Shkëlqim Ziraj
Tiranë 04.01.2019

[Çaushi]

............

Sikur

sikur të mund të riktheheshim sërish në jetë
do të doja të rikthehesha në shekullin pesëdhjetë
sërish do të deshiroja të të takoja ty
ëndërr e pakryer e shekullit njëzetë e një...

DD

[Çaushi]

............

Letrat e mija për ty
Janë më me vlerë se ne të dy
Ata janë gjurmët e vetme
Ku njerëzia do shohë çmendurinë time
Dhe bukurinë tënde.

Kabbani

[Çaushi]

............

Kur ëndrrat digjen

as sot as nesër as kurrë
pa ty nuk mund të jem mirë
kur balli digjet si furrë
kur ëndrrat digjen në delir...

DD.

...........

Mbase

mbase pritur ke tërë ditën e lume
një shkronjë një fjalë apo një zë
por ç‘e do kur nuk ishte e shkrueme
kur as ëndrrat nuk ndihmokan më...

DD.

[edlin]

Vetëm Jeta S'mund Të Matet
Dhe ajo qe m'u duk mua e përhershme shkoj e vate
Vate jeta ime vate, me la vetëm një kujtim
S'di, i ziu, c'është kujtimi: Vetëm shkrep si vetëtimë
e me ndrit e me tregon gjurmëzat e zotëris' sate

Thonë lindi me këmishë, për atë që paske fate'
meqë unë të dua ty, paskam lindur me këmishë
s'di, i mjeri c'është këmisha, vetëm ish ashtu si ish
midis mishit dhe këmishës futej dor' e zotëris' sate

Thonë paska paraise, gjith' lulishte e pallate
tufa, tufa me hyjrira, vargje vargje me humrira
s'di, i ziu, c'është hyrija, por hyrirat më të mira
s'mund të ken', t'u bëfsha unë, atë zjarr të zemrës sate

Paska vende gji-ergjënd e pallate me shtatë kate
ku ka defe, ku ka qefe, ku ka çupa me kaçupa
s'di, dhe s'di, se c'është kaçupi, me pëlqen më tepër kupa
kur ma mbush e kur ma jep, ajo dore pa mëkate

Dy te tretat e një kohe, të një shekulli që vate
vate jeta ime vate, me ‘te bashke van' dhe fatet
s'di, i ziu, se ku vane, vetëm jeta s'mund te matet
veç me ditët qe kalova, ne prani te zotëris' sate

[edlin]

DËSHIRA E LABIT

Sikurse kismeti
të më pyeste mua:
ti o bir, çfar' do?
Ku di unë i shkreti,
çfar' ti thoshja dua,
po që, domosdo,
do i kisha thënë
një kope me dhënë
që të rroj me to!

***
Dua dhe një stan,
reth lajthi e than',
afër një përrua,
më afër një krua,
dhe një pyll të lirë,
e një sepst' të mirë!

***
Dua dhe një ftujë
nuse ... guguftu,
ajo të mbajë ujë
edhe të bëj' dru,
quati dhe unë
ta pështjellë me gunë
dhe ta mbaj mbi gju.

***
E kush ësht' më mirë
nga një jet' e lirë,
dhe asgje mbi krye,
vetëm....qiell dhe yje!

[King Bardhyl]

Postimi origjinal është bërë nga edlin

DËSHIRA E LABIT

Sikurse kismeti
të më pyeste mua:
ti o bir, çfar' do?
Ku di unë i shkreti,
çfar' ti thoshja dua,
po që, domosdo,
do i kisha thënë
një kope me dhënë
që të rroj me to!

***
Dua dhe një stan,
reth lajthi e than',
afër një përrua,
më afër një krua,
dhe një pyll të lirë,
e një sepst' të mirë!

***
Dua dhe një ftujë
nuse ... guguftu,
ajo të mbajë ujë
edhe të bëj' dru,
quati dhe unë
ta pështjellë me gunë
dhe ta mbaj mbi gju.

***
E kush ësht' më mirë
nga një jet' e lirë,
dhe asgje mbi krye,
vetëm....qiell dhe yje!

Po ky kur i kërkoi gjithë këto gjëra, pse nuk kërkoi edhe një mushkë?

[edlin]

Postimi origjinal është bërë nga King Bardhyl

Po ky kur i kërkoi gjithë këto gjëra, pse nuk kërkoi edhe një mushkë?

Aty brenda është..... po është pelë jo mushkë

[shoku_tanku]

Kismeti parcelat ua ka dhene,edhe faren e hashashit...

[edlin]

Postimi origjinal është bërë nga shoku_tanku

Kismeti parcelat ua ka dhene,edhe faren e hashashit...

Sa xheloz i ziu njeri.... hidhuni kapeni dhe ju kismetin..... ka për të tërë

[shoku_tanku]

Nuk eshte per kedo.Juve ju ka pa zoti se keni nje deli djale deputet.

[edlin]

Postimi origjinal është bërë nga shoku_tanku

Nuk eshte per kedo.Juve ju ka pa zoti se keni nje deli djale deputet.

Po edhe këtu na suallët politikë... këtë Deliun nuk e njoh hiç unë...

Po ç'patët njëherë një poezi të Aliut Asllan solla...
Do na sillni ndonjë ju apo të iki fare unë

[shoku_tanku]

Se Ali Asllani nuk merej fare me politikanet ne fakt.

[edlin]

Vlora

Andej Qaf’ e Topit hedhur si sorkadhe
këtej Guzbabaja, një urat’ e madhe,
mu në mes të tyre shtrihet një qytet
shtëpi e shqiponjës për eternitet;
Vlora tungjatjeta, vendi i mrekullive,
maten me Sazanin degat e ullinjve!

Shëtita Evropën, shëtita Azinë,
gje’ te moll’ e kuqe vajta gjer në Kinë,
sa tutje më tutje, sa lark e më shumë,
dhe atje ku piqej buka mu në kumë;

Deri prapa diellit, në tingli majmun,
dhe atje ku zoti quhej Firaun!
Tobe ja rabi! fryhemi gjynah,
kapërceva qiellin si një zok me krah!

Kapërceva dete mbushur me inxhira,
kapërceva male gurë xhevahira,
gjithë më gostitën, gjithë i gostita,
sa më velesitën, sa u velesita!

Ç’do që desha pata, qumësht dallandyshe,
sa të hanin gjithë, gjyshe dhe stërgjyshe;
dhe me re të bardha dhashë edhe mora,
hazinera gjeta, kur më hante dora!
dhe me re të bardha mora edhe dhashë,
po si Vlorën time një qytet nuk pashë!

Vlorën edhe Vlorën thelp e kam në zemër,
ditën e kam dritë, natën e kam ëndërr...
çdo or’ e minutë ty të kam në gojë,
mbase të zë lemza, kur un’ të kujtojë!
Vlora im’ e bukur, Vlora im’ e lirë,
vetëm ty të dua dhe një gun’ të dhirë!

Aty n’ata rrethe, aty n’ato rrëza
çdo zonj’ e zonjushe matet me thëllëza!
Aty shpirti dridhet, aty zemra hidhet,
aty rreth e rrotull lozën gugulidhet;
dhe për her’ të parë po në atë vënd
një zogëz, një... hajde, më rrëmbeu mënd!

Vlora im’ e bukur, Vlora im’ e lirë,
vetëm ty të dua dhe një gun’ të dhirë!
E kudo që isha e kudo që jamte
këng’ në buz’ të kishja, lot në sy të kamte

[King Bardhyl]

Postimi origjinal është bërë nga edlin

Aty brenda është..... po është pelë jo mushkë

Po prandaj po them, pelën ta kishte për të shaluar dhe mushkën për të ngarkuar.