• Përshëndetje Vizitor!

    Nëse ju shfaqet ky mesazh do të thotë se ju nuk jeni regjistruar akoma. Edhe pse nuk jeni regjistruar ju arrini të shihni pjesën me të madhe të seksioneve dhe diskutimeve të forumit, por akoma nuk gëzoni të drejten për të marrë pjesë në to dhe në avantazhet e të qënurit anëtar i këtij komuniteti. Ju lutem : REGJISTROHUNI që të dërgoni postime dhe mesazhe në Forum-Al.

    Regjistrohu !

Gatishmeria bashkeshortore.

Kryeplaku

Kryeplak
Anëtar
Feb 1, 2011
Postime
1,761
Pikët
0
Vendndodhja
Albania
Me rëndësi është se çiftet bashkëshortore duhet të jenë të gatshme për pranimin dhe adaptimin e vetive dhe cilësive ekzistuese të çifteve, pastaj gatishmëri për mirëkuptim të njëri-tjetrit, gatishmëri për mirëmbajtjen e marrëdhënieve seksuale të shëndosha, si kënaqësi, e jo si obligim bashkëshortor, gatishmëri për pranimin e obligimeve ekonomike në jetën bashkëshortore dhe familjare, gatishmëri për edukimin e drejtë të fëmijëve, si dhe gatishmëri për mirëmbajtjen e nevojave psikohigjienike të çifteve bashkëshortore.


Çdo ditë me mijëra njerëz të rinj hyjnë në bashkëshortësi. Për shumicën e tyre akti i martesës shënon një jetë të lumtur bashkëshortore. Çdo çift në jetën e përbashkët bashkëshortore dëshiron të ketë jetë të lumtur bashkëshortore. Mirëpo, një numër i madh bashkëshortësh nuk mund të jenë të lumtur më jetën bashkëshortore.
Çdo çift i ri duhet të jetë i përgatitur për bashkëshortësi si dhe për bashkësi familjare. Gatishmëria për bashkëshortësi përfshinë gatishmërinë fizike dhe morale; çiftet bashkëshortore në jetën e tyre duhet të kenë pajtueshmëri dhe mirëkuptim të përbashkët. Psikologët amerikanë, Berxhis dhe Volis, në studimet e tyre erdhën në përfundim se 1000 çifte bashkëshortore (të studiuar gjersa kanë qenë në fazanë e fejesës) në jetën e tyre bashkëshortore kanë qenë të lumtur, ndoshta më së tepërmi pikërisht sepse ata meshkuj e femra kanë pasur pajtueshmëri dhe mirëkuptim mes vete.
Sipas analizave të tyre, çiftet bashkëshortore duhet t’i adaptohen këtyre elementeve:
a) mirëkuptimit,
b) adaptimit të qëndrimeve për mënyrat e ndryshme të reagimeve të kuptueshme në situata specifike,
c) aftësisë së adaptimit që reagimet e kuptueshme me të vërtetë të pranohen dhe njëherit ato të aplikohen në jetën bashkëshortore.
Me fjalë të tjera, njeriu adaptibil jo vetëm që mund të mendoj “se si do të ndjeja UNË po të isha në vendin e tij”, por edhe “se si AI e ndjen dhe pse janë ndjenjat e tij në situatën e krijuar mu të tilla”.
Përveç mirëkuptimit të ndjenjave, njeriu adaptibil në jetën e përditshme bashkëshortore është mësuar dhe është ushtruar se cilat reagime dhe çfarë sjelljesh më së tepërmi i konvenojnë çiftit tjetër në marrëdhëniet e tyre ashtu të mira ndërpersonale. Njeriu adaptibil është i aftë të bëjë veprime për të cilat di se janë të mira. Disa njerëz dinë se çka duhet bërë në mënyrë që të mos shkohet “në nerva”, mirëpo për arsye të vrazhdësisë së vet sillen në mënyrë jo taktike dhe jo tolerante. Aftësia që të reagohet në mënyrë elastike në situata të ndryshme paraqet komponentë të rëndësishëm në adaptivitetin e bashkëshortësisë. Shumë të rinj, duke mos mundur t’i adaptohen njëri-tjetrit, bashkëshortësinë e çrregullojnë. Çiftet bashkëshortore duhet të dinë se me bashkëshortësi ndërpritet aktiviteti individual i tyre, sepse shprehjet UNË dhe TI duhet të shndërrohen në NE, që në esencë paraqet gatishmërinë për adaptivitet në jetën bashkëshortore.
Në bazë të rezultateve tona të bëra në Kosovë, afro 40% të të rinjve bashkëshortorë shkurorëzohen për arsye të jo gatishmërisë për adaptivitet në jetën bashkëshortore. Duke jetuar me obligime bashkëshortore, shumë çifte dëshpërohen në bashkëshortësi, fillojnë të dyshojnë te partneri, fjalosën shpesh, kurse papërgatitshemërinë e tyre ia mveshin fëmijëve. Në bashkëshortësi të tilla më së tepërmi pësojnë fëmijët.
Gatishmëria për bashkëshortësi nënkupton zhvillimin e konsiderueshëm psiko-fizik të çifteve bashkëshortore për bashkëshortësi, për bashkësi bashkëshortore dhe për jetë familjare. Me rëndësi është se çiftet bashkëshortore duhet të jenë të gatshme për pranimin dhe adaptimin e vetive dhe cilësive ekzistuese të çifteve, pastaj gatishmëri për mirëkuptim të njëri-tjetrit, gatishmëri për mirëmbajtjen e marrëdhënieve seksuale të shëndosha, si kënaqësi, e jo si obligim bashkëshortor, gatishmëri për pranimin e obligimeve ekonomike në jetën bashkëshortore dhe familjare, gatishmëri për edukimin e drejtë të fëmijëve, si dhe gatishmëri për mirëmbajtjen e nevojave psikohigjienike të çifteve bashkëshortore.
Të rinjtë dhe të rejat që janë të edukuar në atë mënyrë, që më lehtë tu adaptohen situatave të reja dhe njerëzve të ndryshëm, ata më shpejtë dhe më mirë mund t’i adaptohen dhe t’i përshtaten bashkësisë bashkëshortore. Disa njerëz për nga natyra janë të vrazhdë, prandaj atyre vështirë u vije t’i ndërrojnë qëndrimet dhe idetë e veta për të fituar shokë të rinj ose t’i përshtaten situatës tjetër në të cilën ndodhen. Pasi që bashkëshortësia kërkon adaptivitet të lartë, personi që në ndryshime nuk sheh kërcënim për sigurimin e jetës personale do të tregohet si parter më i mirë.
 

Kryeplaku

Kryeplak
Anëtar
Feb 1, 2011
Postime
1,761
Pikët
0
Vendndodhja
Albania
Përgjigje e: Gatishmeria bashkeshortore.

FORMIMI I BASHKËSHORTËSISË SË LUMTUR

Nëse dëshirojmë që bashkëshortësia jonë të jetë e suksesshme, duhet të formojmë modelin personal të formimit të bashkëshortësisë së lumtur. Prandaj bashkëshortësia e lumtur jo vetëm që duhet të jetë e formuar, por duhet të formohet, gjegjësisht duhet të jetë e përtërirë. Nuk duhet të harrojmë se bashkëshortësia e lumtur krijohet, ajo nuk lind.


Bashkëshortësitë e suksesshme nuk janë të bazuara në krijimin e marrëdhënieve stihike dhe mekanike midis partnerëve bashkëshortorë. Kualiteti i një bashkëshortësie varet nga aftësitë, gjegjësisht nga dispozicionet e dy çifteve për bashkëshortësi, kurse vetë aftësia në çdo rast individual varet nga vetitë dhe shprehitë e ndryshme personale.
Personi që hynë në bashkëshortësi me bindje se do të ketë sukses, se do të ndryshojë partnerin apo veten, në të vërtetë loz me një lojë të pasigurt. Është e vërtet se bashkëshortësia e fortë stimulon shpirtërisht dhe inkurajon moralisht bashkëshortët për ndryshime të mirëkuptimta e reciproke. Ndryshime të tilla në veti, në shprehje dhe në qëndrime vijnë ngadalë, por edhe mund të zgjasin tërë jetën. Njeriu gjatë gjithë jetës e begaton dhe e zhvillon personalitetin e vet, ndërkaq me begatimin dhe me zhvillim të personalitetit, njëherit ndryshon edhe vetë. për këtë arsye është shkathtësi që njerëzit gjatë zgjedhjes së çiftit bashkëshortor t’u kushtojnë llogari të veçanta vetive personale dhe të partnerit, sepse ato veti paraqesin indikacionin e rëndësishëm për formimin e bashkëshortësisë së lumtur dhe kualitative.

Psikologu amerikan, Luis . Termani, duke bërë një anketë për vetitë personale të 792 çifteve bashkëshortore, të cilët kanë qenë në bashkëshortësi nga një e deri më tridhjetë e më shumë vjet, erdhi në përfundime të rëndësishme. Qëllimi i anketës ishte të përcaktoj se cilët faktorë psikologjikë ndikojnë në bashkëshortësi të lumtur. Në bazë të rezultateve të fituara, Termani bëri klasifikimin e bashkëshortëve të lumtur dhe atyre jo të lumtur. Femrat që kanë jetë të lumtur bashkëshortore kanë treguar këto karakteristika:
1) -janë xhentile ndaj personave të tjerë;
2) -presin që edhe të tjerët të jenë xhentil ndaj tyre;
3) -nuk ofendohen lehtë;
4) -nuk i kushtojnë rëndësi të madhe se çfarë përshtypjesh lënë te njerëzit e tjerë;
5) -nuk janë ziliqare dhe lakmitare;
6) -kanë gatishmëri për bashkëpunim;
7) -nuk shqetësohen për role më pak të rëndësishme apo të tjetërsuara;
8) -nuk hidhërohen nëse dikush tjetër u jep këshilla;
9) -dëshirojnë t’u ndihmojnë të tjerëve;
10) -me dëshirë merren me aktivitete për t’i kënaqur të tjerët ose u shërbejnë për t’u ngritur pedagogjikisht;
11) -kanë dëshirë të bashkëpunojnë me njerëz të varur dhe jo të privilegjuar;
12) -janë të palodhshme në punë dhe e kanë metodën e vetë;
13) -janë kursimtare;
14) -sjelljet e tyre tregojnë se kanë plot vetëbesim dhe mendime optimiste për jetën.

Sa i përket burrave, që kanë jetë të lumtur bashkëshortore, karakterizohen me këto sjellje:
1) -janë të qëndrueshëm dhe stabil në emocione;
2) -kanë ndjenjë për bashkëpunim;
3) -me qëndrime ndaj femrave tregojnë se kanë ide të barabarta;
4) -janë të dashur ndaj personave inferiorë dhe jo të privilegjuar;
5) -nuk janë të zënë për së tepërmi me vetveten;
6) -janë shumë aktiv në punë;
7) -shprehin tendenca të mëdha për të marrë në vete përgjegjësinë;
8) -shprehin gatishmëri të madhe për t’i kushtuar kujdes detajeve;
9) -i duanë njerëzit metodikë dhe procedurën metodike;
10) -janë kursimtarë dhe të kujdesshëm në të holla;
11) -kanë qëndrime konstruktive për seksin, për moralin dhe për konvencione të ndryshme shoqërore.

Analizat tona të bëra me 462 çifte të jetës paramartesore dhe martesore në Kosovë, tregojnë se kushtet themelore që sigurojnë bashkëshortësi të lumtur janë:
1) -dashuria midis bashkëshortëve (85.27%),
2) -pajtueshmëria dhe mirëkuptimi reciprok i bashkëshortëve (68.22%),
3) -sigurimi material i bashkëshortëve (20.15%),
4) -si dhe barabarësia në marrëdhëniet bashkëshortore.
Nga e gjithë kjo që u tha mund të konkludojmë se nëse dëshirojmë që bashkëshortësia jonë të jetë e suksesshme, duhet të formojmë modelin personal të formimit të bashkëshortësisë së lumtur. Prandaj bashkëshortësia e lumtur jo vetëm që duhet të jetë e formuar, por duhet të formohet, gjegjësisht duhet të jetë e përtërirë. Nuk duhet të harrojmë se bashkëshortësia e lumtur krijohet, ajo nuk lind.
 

Kryeplaku

Kryeplak
Anëtar
Feb 1, 2011
Postime
1,761
Pikët
0
Vendndodhja
Albania
Përgjigje e: Gatishmeria bashkeshortore.

15 SEKRETET E LUMTURISË PËR BASHKËSHORTË

Përveç se të duash dhe të duhesh, duhet të shtohen edhe këto. Edhe ju mund tu kushtoni vëmendje këshillave tona, dhe do të shikoni që do të jeni më afër lumturisë në çift...



1. Jini i/e buzëqeshur
Problemi më i shfaqur në jetën martesore, është fytyra e ngrysur e njërit prej bashkëshortëve dhe sjelljet që pajojnë atë. Kjo sjellje, nxit konflikt dhe mosmarrëveshje në çift. E kthen shtëpinë në një ambient të vështirë për të jetuat. Përkundrazi, buzëqeshja është burim i harmonisë dhe i bashkëbisedimeve në çift. Një buzëqeshje nuk duhet të jetë shumë e vështirë...

2. Shtrëngojini duart bashkëshortit/bashkëshortes tuaj
A e dini se qëndrimi dorë për dore midis bashkëshortëve ul stresin e tyre? Sipas një studimi të bërë mbi çifte të martuar amerikanësh, rezulton se bashkëshortët tregohen më të qetë dhe më racional në përballimin e problemeve. Shtrëngojini edhe ju dorën bashkëshortit/bashkëshortes tuaj dhe do të shikoni që me kalimin e kohës ndjenjat tuaja do të dalin në pah akoma më shpejt.

3. Dashurinë që ndjeni shpreheni me fjalë
Për burrat është më e vështirë se sa tek gratë shprehja e dashurisë me fjalë. Burrat nuk e shprehin lehtë dashurinë. Pse duhet që të humbasim një dashuri që e kemi në zemër, për hiç gjë?

4. Lutuni së bashku Zotit
Uluni të dy së bashku dhe lutuni me zë për njëri tjetrin. Renditini fjalët e lutjes ashtu siç ju vijnë nga brenda. Mos vallë nuk jeni të sigurtë nëse dëshironi të luteni? Atëherë, uluni dhe falënderoni Zotin për të mirat që ju ka dhuruar. Shkruani çdo ditë tre nga gjërat e mira që ju ndodhin dhe pyesni se pse më ndodhi kjo gjë e mirë. Studimet tregojnë se ata persona që e bëjnë diçka të tillë, pas një periudhe jo më të gjatë se tre muaj, janë ndier shumë më të lumtur. Pas një studimi mëse 30 vjeçar mbi lutjen, shkencëtari amerikan në Universitetin e Harvardit, Herbert beson, shprehet se të gjitha mënyrat e lutjes, qetësojnë stresin dhe trupin e njeriut.

5. Mos ndërroni veshjen sapo të ktheheni në shtëpi
Njerëzit vishen bukur sa herë që dalin për të shkuar në punë apo për të shëtitur. Por, kur kthehen në shtëpi, menjëherë kërkojnë të vishen më komod. Ka nga ata bashkëshortë që kalon kohë e gjatë dhe nuk e shikojnë njëri tjetrin të veshur bukur. Bashkëshortët duhet të vishen e të mirëmbahen mirë jo vetëm për miqte dhe kolektivin, por edhe për njëri tjetrin. Zonja, po ju pse nguroni të zbukuroheni në shtëpi kur bashkëshorti juaj kthehet nga puna?

6. Mos harroni ditëlindje e bashkëshortes tuaj apo përvjetorin e martesës
Gratë kryesisht janë mjaft të ndjeshme për datëlindjet, për përvjetoret e martesës apo për data të caktuara. Madje, ato mund të pyesin edhe për ditën kur jeni njohur për herë të parë, për ditën e fejesës, apo pse jo edhe për ditën kur keni vendosur të martoheni. Por ju, të paktën mos harroni ditëlindjen dhe përvjetorin e martesës.

7. Lini shënime dashurie
Shkruani shënime dashurie dhe lërini në vende që edhe bashkëshorti apo bashkëshortja juaj të mund ti shikojë. Në fletushka të vogla, shkruani fjalë të bukura. Kjo do të ndihmojë në atë që bashkëshortët të kuptojnë akoma më mirë dashurinë për njëri tjetrin.
8. Vishuni sikur do të shkoni në shëtitje dhe uluni në shtëpi
Është shumë e rëndësishme që bashkëshortët të vishen bukur dhe të bëjnë njëri tjetrin të ndihen të vlerësuar në ambientin familjar. Kjo gjë sot duket se nuk funksionon. Ata vishen bukur për të shtiru apo për të takuar miqtë e shokët, dhe nuk vlerësojnë njëri tjetrin. Edhe ju, të paktën një ditë në javë vishuni bukur, por mos dilni nga shtëpia. Qëndroni dhe kaloni kohën me njëri tjetrin.

9. Mos flisni me urdhra por me mirësjellje
Kur një person flet me tone urdhëruese, patjetër që do të përballet me kundërshtimin e atij që ka përballë. Kjo bëhet akoma më e hidhur në marrëdhëniet në çift. Në vend të saji duhet të flitet me tonë mirësjelljeje. Kjo nuk të cenon ty ndonjë të drejtë, përveç se kthehet në një investim harmonie dhe lumturie. Në këtë mënyrë, ti do të tregosh bashkëshortit/bashkëshortes se jeta është e përbashkët dhe për të dy.

10. Mëngjesin hajeni së bashku
Kur në jetën e çiftit përzihen fëmijët dhe puna, takimi dhe ndarja e halleve midis tyre duket sikur merr fund. Ju, të paktën duhet të përpiqeni që kur të jeni së bashku me familjen, të shfytëzoni më së miri këtë kohë. Kjo mund të jetë edhe koha e ngrënies së mëngjesit. Pse jo, mund të lini disa minuta nga gjumi i mëngjesit për të përgatitur së bashku mëngjesin dhe për të gjetur kohën për të biseduar kokë më kokë.

11. Hani darkë kokë më kokë jashtë. Mos mendoni se të bie më lirë në shtëpi
Veçanërisht tek çiftet që kanë fëmijë, problemi më i madh që shfaqet është mos gjetja e kohës për të qenë vetëm për vetëm. Angazhimi me fëmijët i lodh si nënën ashtu edhe babain. Qoftë edhe një orë të vetme, ju mund ti lini fëmijët tuaj tek një i besuar, dhe të dilni për të ngrënë diçka sëbashku kokë më kokë. Kjo do ti jepte më shumë forcë lidhjes tuaj. Ajo për të cilën ju keni nevojë, nuk është darka që do të hani, por situata që ju lë të bisedoni për disa minuta rreth atyre që keni përjetuar, apo për planet në të ardhmen.

12. Përcilleni bashkëshortin tuaj me lutje
Ata gra të cilat nuk punojnë dhe i përtojnë të ngriturit herë në mëngjes kur burrat e tyre shkojnë në punë, duhet të ulen dhe të mendojnë edhe një herë. Të përcjellësh burrin për në punë, do të thotë ta bësh atë të ndiejë se ka lënë në shtëpi gjysmën e zemrës së tij. Madje, t’i thuash burrit “ne nuk duam tia dimë për uri e varfëri, neve na duhesh vetëm ti”, kjo do ta motivonte atë akoma më shumë.

13. Silluni mirë me familjen e bashkëshortit tuaj
Fjalët e rënda që bashkëshortët mund të thonë për familjet e njëri tjetrit, ndikojnë shumë në marrëdhëniet në çift. Ju nuk duhet të minoni dashurinë tuaj duke folur për të tjerët. Respekti që bashkëshorti i tregon familjes së bashkëshortes apo anasjelltas, do të shtoje edhe dashurinë dhe respektin e ndërsjellët në çift.

14. Përdorni fjalë të bukura kur i drejtoheni njëri tjetrit
Ironizimet që bëhen në jetën në çift, ftohin marrëdhëniet midis tyre. Madje, ajo ndikon edhe në besimin tek njëri tjetri. Në momentin kur në martesë humbet besimi, atëherë nis edhe humbja e lumturisë.

15. Mos mbani asgjë të ndarë, gjithçka të jetë e përbashkët
Çiftet, kur martohen duhet të dini që gjithçka kanë është e përbashkët. Si e mira, ashtu edhe e keqja, si në të sëmurë, ashtu edhe në të shëndoshë, ata duhet të jenë të bashkuar. Kurrsesi nuk duhet që pasuria e njërit të ndikojë në marrëdhënie. Nëse burri punon dhe fiton më shumë, kjo nuk duhet të ndikojë. Madje, gjëja më e mirë që duhet të bëhet, është bashkimi i të ardhurave të të dyve, vendosja në një vend të caktuar dhe secili të marrë sipas nevojës. Në një çift, nuk mund të ketë aspak gjëra të tilla si kjo është e imja dhe kjo është e jotja. Në momentin që pranohet të vihet kurorë, atëherë çdo gjë është bashkuar në një.
 
Top