• Përshëndetje Vizitor!

    Nëse ju shfaqet ky mesazh do të thotë se ju nuk jeni regjistruar akoma. Edhe pse nuk jeni regjistruar ju arrini të shihni pjesën me të madhe të seksioneve dhe diskutimeve të forumit, por akoma nuk gëzoni të drejten për të marrë pjesë në to dhe në avantazhet e të qënurit anëtar i këtij komuniteti. Ju lutem : REGJISTROHUNI që të dërgoni postime dhe mesazhe në Forum-Al.

    Regjistrohu !

Gjykates dhe prokurore persona non grata ne SHBA

Fshatari

No vip
Anëtar
Jul 27, 2013
Postime
8,222
Rezultati i reagimit
1,013
Pikët
113
Përshkallëzon mosmarrëveshja midis SHBA-së dhe Gjykatës Ndërkombëtare Penale

John Bolton, këshilltar për siguri kombëtare i presidentit amerikan, Donald Trump, kërcënoi të hënën se Uashingtoni do të vendosë sanksione kundër gjykatësve dhe prokurorëve të Gjykatës Ndërkombëtare Penale nëse ata nisin të hetojnë krimet e dyshuara të luftës, të kryera në Afganistan nga amerikanët.
“Do t’i ndalojmë gjykatësit dhe prokurorët (e Gjykatës Ndërkombëtare Penale) të hyjnë në SHBA. Do t’i sanksionojmë fondet e tyre në sistemin financiar të SHBA-së dhe do t’i persekutojmë ata në sistemin penal të SHBA-së. Do të bëjmë të njëjtën gjë me çdo kompani apo shtet që ndihmon hetimet e amerikanëve nga gjykata”, tha Bolton.
________________________________________________________
https://www.evropaelire.org/a/pershkallezon-mosmarreveshja-midis-shba-dhe-gjykates-nderkombetare-penale/29484590.html
_______________________________________________________________


SHBA kërcënon me sanksione Gjykatën Ndërkombëtare Penale

Shtetet e Bashkuara kërcënuan me sanksione Gjykatën Ndërkombëtare Penale, nëse kjo e fundit ndjek penalisht amerikanët.
Gjykata është duke shqyrtuar përndjekjen e shërbyesve amerikanë nën dyshimet për abuzim të të burgosurve në Afganistan.
Këshilltari për Siguri Kombëtare i Shtëpisë së Bardhë, John Bolton, tha se SHBA do të bëjë gjithçka të mundur “për t’i mbrojtur qytetarët e saj”.
“Nëse gjykata na ndjek, ne nuk do të rrimë të heshtur”, tha Bolton.
SHBA është në mesin e dhjetëra vendeve që nuk i janë bashkuar gjykatës së themeluar në vitin 2002.
Gjykata heton dhe sjell para drejtësisë njerëzit përgjegjës për gjenocid, krime kundër njerëzimit dhe krime lufte, duke ndërhyrë kur autoritetet kombëtare nuk mund ose nuk do t’i ndjekin penalisht.
Gjykatësit dhe prokurorët e Gjykatës Ndërkombëtare Penale do të ndalohen të hyjnë në SHBA dhe fondet e tyre në SHBA do të sanksionohen, paralajmëroi Bolton.
Në nëntor të vitit të kaluar, prokurorja e Gjykatës Ndërkombëtare Penale, Fatou Bensouda, ka bërë thirrje për hetime të krimeve të dyshuara të luftës në Afganistan.
Ajo ka thënë se ka “bazë të arsyeshme për të besuar” se krimet e tilla janë kryer.
Autorët e supozuar të mundshëm përfshijnë CIA-n, forcat talibane dhe ato afgane.
_________________________________________________________________
https://www.evropaelire.org/a/29482580.html
 
Top