• Përshëndetje Vizitor!

    Nëse ju shfaqet ky mesazh do të thotë se ju nuk jeni regjistruar akoma. Edhe pse nuk jeni regjistruar ju arrini të shihni pjesën me të madhe të seksioneve dhe diskutimeve të forumit, por akoma nuk gëzoni të drejten për të marrë pjesë në to dhe në avantazhet e të qënurit anëtar i këtij komuniteti. Ju lutem : REGJISTROHUNI që të dërgoni postime dhe mesazhe në Forum-Al.

    Regjistrohu !

Ja si u katandis Greqia! Nga vendi i parajsës, në skëterrë

baaroar

"<(@)>"
Anëtar
Sep 28, 2010
Postime
420
Pikët
0
Gazeta Sot
E premte, 4 mars 2011
Nga Shpëtim ZINXHIRIA

(Emigrantët braktisin çdo ditë Greqinë)

Asnjë vend nuk do të kishte dëshirë nga ana morale dhe politike që ekonomia e vendit të tij të kontrollohej e të kalonte në mikroskop nga Komisioni Evropian.

Por keq qeverisja e vendit nga politika prej 30 vjetësh e katandisën këtë vend në BE, si vend lypës, por edhe si një shembull konkret për vendet e tjera. Greqia bënte një jetë që nuk i takonte, një jetë të shfrenuar me paratë e tjetërkujt, duke e çuar sot të nxjerrë në shitje edhe disa ishuj.
Ekonomia greke, në 1995 hyri në një periudhë të rritjes së shpejtë ekonomike, që vazhdoi deri në 2009 duke ndryshuar peizazhin ekonomik të vendit. Megjithatë, në fund të kësaj periudhe të rritjes dhe për shkak të krizës globale financiare, ekonomia greke u përball me probleme të mëdha duke zbuluar të gjitha dobësitë strukturore. Rasti i Greqisë përbën një shembull konkret për vendet e tjera, por më shumë për vendin tonë që fatkeqësisht po ndjek të njëjtat gabime të helenëve. Radhitja e vendit tonë pas Greqisë lidhur me borxhet, mungesa në transparence në dhënien e tenderave dhe korrupsioni i përgjithshëm nën indiferentizmin e drejtësisë, vulosin përfundimisht se jo larg Shqipëria do jetë bashkëudhëtare e Greqisë.
Papunësia sfidon gjithçka
Ekonomia dhe papunësia kanë gjunjëzuar përfundimisht qeverinë e Papandreut, që me masat e marra antikrizë po i shtrëngon më shumë lakun popullit. Këto masa ka bërë që protestat dhe grevat e përditshme nga dita në ditë të përshkallëzohen e paralizojnë vendin, duke dëmtuar ekonominë e vendit. Kontrolli i gjithanshëm e kudo i FMN, ka rritur në maksimum zemërimin dhe indinjimin e vendasve, që si një rrugë shpëtimi ka gjetur armën e grevave dhe protestave. Asnjë vend nuk do të kishte dëshirë morale dhe politike që ekonomia e vendit të tij të kontrollohej e të kalonte në mikroskop nga Komisioni Evropian.
Statistikat, 832.975 familje në pragun e varfërisë
Varfëria ka prekur rreth 833.000 familje që jetojnë me të ardhura vjetore, më pak se 13.600 euro, këto të regjistruara para krizës ekonomike. Po sipas statistikave të Shërbimit Kombëtar të Greqisë (NSG) të vitit 2008, më shumë se 832.975 familje greke, ose 2.186.869 njerëz, janë të regjistruar në listën e varfërisë, baras kjo me 21 për qind të popullsisë të kërcënuar nga varfëria. Numri më i madh i varfërisë, prek moshën deri në 17 vjeç, që shkon deri në 23 për qind, ndërsa për njerëzit mbi moshën 65 vjeç, shkon deri në 22 për qind. Varfëria dhe papunësia shkon në 37 për qind, me një rritje të konsiderueshme në dy pikë përqindje në krahasim me 2007. Sipas studimit të kushteve të jetesës së familjes, të ardhurat në vitin 2008 ishin në pragun e rrezikut të varfërisë për person, me të ardhura vjetore prej 6.480 euro. Këtu nuk janë marrë në konsideratë shtresa e të pastrehëve apo të romeve (ciganëve)
Varfëria fenomen i pashmangshëm
Rreziku i varfërisë për fëmijë nga mosha 0-17 vjeç, arrin deri në 23 për qind dhe për njerëzit e moshës 18-24 si dhe për personat mbi 65 vjeç është në 22 për qind. Varfëria më e lartë i prek gratë në rreth 21 për qind, ndërsa meshkujt, në rreth 20 për qind. Familje me vetëm një anëtar (grua) është në rrezikun e varfërisë në shkallën 27 për qind, ndërsa të familjeve përkatëse vetëm me një anëtar (mashkull), arrin në 23 për qind. Të papunët, ekonomikisht jo aktivë, (pensionistët, shtëpiaket, etj), janë më shumë në rrezik të varfërisë në 37 për qind, kundrejt 14 për qind, të atyre që punojnë. Familjet që jetojnë në një shtëpi private janë të kërcënuar nga varfëria në 19 për qind, ndërsa për ata që jetojnë në shtëpi me qira shkon në 25 për qind. Rreziku i varfërisë midis familjeve me një prind dhe të paktën me një fëmijë në ngarkim është 27 për qind, ndërsa raporti përkatës për familjet me dy prindërit dhe një fëmijë në ngarkim është në 22 për qind. Në fusha të tjera, të populluara, rreziku i varfërisë arrin në 63 për qind. Marrëdhëniet ndërmjet arsimit dhe varfërisë janë të rëndësishme, sa që 71.2 për qind e të varfërve kanë përfunduar vetëm arsimin e detyrueshëm. Më shumë se 42 për qind e njerëzve janë analfabetë, ose nuk e kanë përfunduar, ndërsa përqindja e njerëzve që kanë përfunduar arsimin e lartë ose pasuniversitar është 7 për qind, janë këta që rrezikohen dhe kërcënohen nga varfëria e mëtejshme. Rreziku i varfërisë tashmë ka filluar të prekë edhe emigracionin e ligjshëm dhe atë të klandestinëve. Emigrantët përbëjnë 12.5 për qind të fuqisë punëtore, ndërsa sot, ata rrisin numrin në radhët e ushtrisë së papunëve përkrah popullit vendas.
Greqia kërkon borxhe për të larë borxhe
Edhe pse Greqia është një nga vendet më të bekuara, sistemi politik apo mentaliteti ballkanas ka bërë që ky vend të ketë një borxh të madh që përbën një rekord të njerëzimit. Është hera e parë që mbas Luftës së Dytë Botërore, që një vend të ketë kaq shumë hua. Analistët grekë bëjnë fjalë se dëmet që shkaktoi Gjermania në Luftën e Dytë Botërore, ishin në 50 miliardë, ndërsa sistemi politik vendas gjatë 60 vjetëve në paqe e ka tejkaluar atë në 380 miliardë, ose më saktë një fëmijë që lind sot në këtë vend, sa del në jetë, ka një borxh prej 30.000 eurosh. Sa për kuriozitet, borxhi i Greqisë prej 380 miliardë është më shumë se sa borxhet që kanë së bashku Rusi-Argjentinë. Sot po bën përpjekje për të siguruar një borxh tjetër prej 120 miliardë euro, ku një pjesë do të shkojë për të larë borxhet e mëparshme
25 vjet punë për të shlyer borxhin
Analistët kompetentë për ekonominë flasin se, për të shlyer këtë borxh të këtij vendi, i duhen të paktën rreth 25 vite dhe kjo do të arrihet, në qoftë se kontrollohet borxhi sa nuk është vonë. Po një shqetësim mbetet për qeverinë, se papunësia këtë vit do të prekë rreth 1 milionë njerëz, duke mos marrë në konsideratë emigrantët apo komunitetin rom e cigan. Borxhet, 4 herë më shumë kufirin në Eurozonë. Greqia ka një deficit prej 12.7 për qind, katër herë më të lartë se ç'lejohet në Eurozonë. Qeveria ka vendosur ta ulë këtë deficit në 8.7 për qind këtë vit, dhe të zvogëlojë borxhin kombëtar, duke shkurtuar rrogat e punonjësve të shërbimeve publike, duke ngritur moshën e pensionit dhe duke rritur TVSH-në.
120 mijë punonjës humbën vendin e punës
Rritja e numrit të ushtrisë së të papunëve përbën sot protagonistin e vërtetë të vitit 2010. Kriza ekonomike u tregua e pamëshirshme për mijëra vendas dhe të huaj. Sipas Institutit të Sindikatave të Greqisë (GSEE) për vitin 2009, rreth 120 mijë punonjës u hodhën në rrugë. Sot papunësia përbën çështjen kryesore për vendin. Çdo ditë dyqane të shumta venë drynin për të mos u hapur më. Nga dita në ditë shumë shtëpi boshatisen nga emigrantët që marrin rrugën e kthimit për në atdheun e tyre. Viti 2009 dhe në vazhdim përbën vitin e papunësisë, që shpreh realitetin. Papunësia, nga 7.4 për qind që ishte për 2008 u ngrit në 9.3 për qind për 2009 dhe sot kurba është ngritur në 13.9 për qind, duke shënuar një rekord të ri në 750 mijë të papunë. Ky fenomen më shumë ka prekur të rinjtë me arsim të lartë që tashmë kërkojnë të emigrojnë në Amerikë, Evropë apo në Dubai. Papunësia më shumë ka dëmtuar sektorin e ndërtim- montimit që pati shkurtime në 22.000 vende pune dhe ai i tregtisë me 21.880 të papunë.
Çdo muaj 300 vendas humbasin apartamentet e tyre
Papunësia ka ndikuar që në çdo muaj rreth 300 grekë humbasin apartamentet e blera me anën e kredisë, ndërsa 60.000 të tjerë në vit humbasin makinat për të njëjtën arsye. 60 për qind e popullit grek nuk është në gjendje të paguajë kreditë e marra, ndërsa pjesa më e madhe e biznesit nuk është në gjendje të paguajë detyrimet (taksë) shtetit.
Grekët sytë nga emigrimi
Gjithashtu papunësia ka gjunjëzuar brezin e ri të moshës 25-34 vjeç, të diplomuar si brenda ashtu edhe jashtë vendit, duke renditur në vend të parë në rritjen e papunësisë (17.9 %) në BE, kundrejt Holandës në 3.1 për qind. Sot ky brez, e ardhmja e këtij vendi sytë i ka drejtuar nga emigrimi në drejtim të Amerikës, Evropës dhe Dubait. 60-70 mijë kërkesa u bënë vitin e kaluar për të punuar në këto vende, duke kujtuar emigrimin e viteve ‘60-të. Spitalet e Amerikës dhe të Evropës janë kthyer shpresa e mijërave mjekëve dhe e infermierëve grekë, ndërsa Dubai i nxehtë, përbën një zgjidhje të përkohshme për të diplomuarit në sektorin e industrisë dhe ndërtimit. Nga viti në vit kërkesat për të emigruar sa vijnë dhe shtohen. Papunësia për këtë shtresë bëri që në dhjetë vitet e fundit, 550 mijë grekë të kenë emigruar për të punuar, duke mos përjashtuar edhe ata studentë që shkuan për studime dhe nuk u kthyen më. Nga sektori i shëndetësisë, çdo vit emigrojnë për të punuar në spitalet e Amerikës dhe Evropës mbi 1000 mjekë, ndërsa 1900 të tjerë janë në pritje për punë. 70.3 për qind e të diplomuarve në fushën e mjekësisë dëshirojnë që të punojnë jashtë vendit. Të diplomuarit përbëjnë 0.90 për qind të numrit të përgjithshëm të popullsisë, analogë me të punësuarit është 1 në 47 të punësuarve. Sipas medias greke, në Dubai kanë emigruar rreth 5 për qind e numrit të përgjithshëm të diplomuarve në fushën e mekanikës. Vitin e kaluar 60 mijë grekë emigruan për të punuar në Evropë, Amerikë dhe Dubai, ndërsa muajt e fundit kanë bërë kërkesë për emigrim edhe 9 mijë të tjerë. Përsa i përket fenomenit të emigrimit Greqia zë vendin e 12-të në BE.
Në një muaj, 36 mijë të papunë
Sipas Organizatës të Punësimit të Fuqisë Punëtore (OAED) për muajin janar të 2011, numri i të papunëve të regjistruar u rrit nga 36.000 njerëz krahasuar me dhjetor (5,5% rritje) dhe mbi 74.272 në janar të vitit 2010 (12% rritje), duke arritur në 689.558 të papunëve të regjistruar. Përveç 689.600 të papunëve të regjistruar, ka edhe 144.700 të cilët nuk janë në kërkim për punë. Pra në përgjithësi papunësia arrin në 834.300 persona, në bazë të Shërbimit të Punësimit.
Mbyllen 85 mijë dyqane, 280 mijë të tjera në prag falimentimi
Konfederata Kombëtare e Tregtisë bën fjalë se për vitin 2010 mbyllja e dyqaneve është rritur në 30%, duke sjellë një humbje xhiroje në 7.5 miliardë dollarë. Shitja e karburantit për 2010 pati një rënie prej 10%, kjo për shkak të rritjes së tvsh në 25%. Deri në dhjetor të 2010 ishin mbyllur 85 mijë dyqane duke hedhur në rradhët e punësisë mbi 100 mijë persona. Analistët vendas llogarisin se deri në fund të vitit do të mbyllen edhe 280 mijë dyqane të tjera… Dyqanet patën një rënie në xhiro prej 16.4% ndërsa në shitje mobilje, mallra elektrike, pajisje shtëpiake 34,5%. Në veshmbathje 34.6%, shitje artikuj shkollorë, letra dhe libra, 16.7%, në ilaçe-farmaceutikë 12.3% dhe 9.5%, në supermarkete 9,9% etj. Indeksi i afarizmit në dhjetor të vitit 2010 krahasuar me 2009, në karburant dhe lubrifikantë, shitje makinash është ulur me 17.1%, ndërsa indeksi i shitjeve në përgjithësi ka rënë nga 19.9%. Masat antikrizë ekonominë kanë humbur çdo shpresë, 6 në 10 familjeve deklarojnë se nuk dalin paratë për jetesë.
Katër në dhjetë grekë, gati për të emigruar
Studimi i fundit i Eurobarometrit publikuar më 13 /07/ 2010 ka nxjerrë se 38 për qind e grekëve kanë deklaruar se janë gati për të emigruar në një vend tjetër për të gjetur punë. Emigrimi për të gjetur punë në një vend tjetër është kthyer në një fenomen si një nga çështjet më kryesore të vendasve, duke u kthyer mbrapa në vitet 60.
Sheshi Omonia rikthehet në vitet ‘90
Qendra e Athinës ka marrë pamjen e viteve 1990, ku çdo mëngjes shumë emigrantë me çanta në duar grumbullohen në shesh me shpresë për të siguruar punë. Pasi presin me orë të tëra, fytyra të lodhura dhe të pa shpresa marrin rrugën e kthimit për në shtëpitë e tyre. Vite më parë pronarët kërkonin emigrantë për punë, ndërsa këta të fundit pretendonin me të drejtë për një për më të mirë, ndërsa sot ndodh e kundërta. 74.9 për qind e emigrantëve shqiptarë punojnë në ato vende pune ku nuk duan të punojnë vendasit. Sot çdo gjë ka ndryshuar, pasi Greqia nuk është më ajo e mëparshmja. Të pashpresë për të ardhmen, sytë e tyre janë drejtuar për nga Shqipëria.
Kthimi i emigrantëve, një kthim real dhe jo një skenar
Të parët që po preken nga kriza ekonomike janë emigrantët, të cilët po i kthejnë sytë nga vendlindja e tyre. Media greke bën fjalë për mëse 300 mijë shqiptarë, të cilët nga dita në ditë presin riatdhesimin. Dikur kthimi i tyre në mënyrë vullnetare dukej një skenar, sot është kthyer në një realitet i pakthyeshëm. Nga dita në ditë grupe emigrantësh shqiptarë, të detyruar, po i drejtohen përkohësisht apo përfundimisht vendit të tyre të lindjes me mënyra nga më të ndryshme. Deri më sot nuk ka një numër të saktë nga shteti shqiptar, pasi edhe interesimi ndaj këtij fenomeni është zero. Sipas burimeve të mediave vendase, bëhet fjalë se të paktën 300.000 emigrantë shqiptarë që punojnë dhe jetojnë në Greqi, pritet nga dita në ditë të rikthehen në vendin e tyre. Kushtet e legalizimit, ndërprerja e kontratave të punës me pronarin, gjendja e rëndë ekonomike gjatë gjithë këtyre viteve, i kanë lodhur së tepërmi emigrantët. Dikur punonin me ëndrrën për të mbledhur para, për një të ardhme sa më të mirë, ndërsa sot jeta e tyre varet nga këto të mbledhura.
Deri më sot nuk ka një numër të saktë nga shteti shqiptar, pasi edhe interesimi ndaj këtij fenomeni është zero. Sipas burimeve të mediave vendase, bëhet fjalë se të paktën rreth 40 për qind, ose 300.000 emigrantë shqiptarë që punojnë dhe jetojnë në Greqi, pritet nga dita në ditë të rikthehen në vendin e tyre. Kushtet e legalizimit, ndërprerja e kontratave të punës me pronarin, gjendja e rëndë ekonomike gjatë gjithë këtyre viteve, i kanë lodhur së tepërmi emigrantët, që po i drejtojnë sytë gjithnjë e më shumë nga vendi i tyre. Dikur punonin me ëndrrën për të mbledhur para, ndërsa sot jeta e tyre varet nga këto të mbledhura. Shumë mallra shtëpiake apo automjete janë blerë nga emigrantët me para në dorë, ndërsa pjesa tjetër me anën e kësteve. Çdo fund muaji në bankat e vendit, shumë emigrantë tërheqin sasi parash për të përballuar jo vetëm nevojat e jetesës, por edhe për të paguar këstin e automjetit dhe mallrave të tjera shtëpiake.
 

baaroar

"<(@)>"
Anëtar
Sep 28, 2010
Postime
420
Pikët
0
Papandreu në Berlin - Për Merkelin Greqia ndodhet në rrugën e duhur

Kancelarja Angela Merkel u takua në Berlin me kryeministrin grek Jorgos Papandreu, për të diskutuar mbi reformën në buxhetit shtetëror grek.

Jorgos Papandreu ka qenë në Berlin edhe një vit më parë. Atëherë Greqia ndodhej në prag të falimentit shtetëror. Papandreu erdhi me lutjen për ndihmë. Kancelarja Merkel u shpreh atëherë e rezervuar, dëshironte të shmangen ndihmat për Greqinë, nëse do të ishte e mundur. Në fund kjo rezultoi e pashmangshme, evropianët dhe FMN-ja ofruan një paketë shpëtimi prej 110 miliardë eurosh. Sidoqoftë tani kancelarja Merkel prezantohet dukshëm më e qetë. „Qeveria greke ka ndërmarrë një sërë masash, të cilat kanë bërë që Greqia të ketë tashmë një kurs shumë më të përparuar. Por masat përmbanin edhe reforma të dhimbshme për popullin grek. Mendoj se kryeministri grek dhe qeveria e tij kanë dëshmuar një vullnet të fortë politik, për ta rikthyer Greqinë në shtegun e qendrueshmërisë dhe kjo meriton mirënjohjen tonë.
"Çështje kredibiliteti - Papandreou:"nuk jemi barrë për taksapaguesit gjermanë"
Për ndihmat e BE-së Greqia është zotuar të ndërmarrë reforma të gjera. Shpenzimet buxhetore u shkurtuan dukshëm, është reformuar sistemi i pensioneve, janë ulur rrogat e punonjësve të sektorit publik. Në të njëjtën kohë shteti po vepron më fort kundër evazorëve fiskalë. Papandreou:"Ne jemi zotuar të rregullojmë punët në shtëpinë tonë, të ndërmarrim ndryshime, të cilat duheshin bërë prej kohësh. Ne kemi pasur rezultate, kemi ende dhe do të vazhdojmë të kemi."
Në Gjermani paketa e shpëtimit ishte tejet jopopullore, shtypi për muaj me radhë shfrynte kundër ndihmave për Greqinë, të cilat konsistojnë pjesërisht në kredi e pjesërisht në garanci të Gjermanisë dhe të shteteve të tjera të eurozonës. Papandreou: „Unë dua të them qartë se ne nuk jemi barrë për taksapaguesit gjermanë. Ne kemi marrë një kredi dhe atë do ta shlyejmë bashkë me interesat, kur programi të përfundojë. Kjo është për ne çështje kredibiliteti. Bëhet fjalë për të krijuar besimin e nevojshëm me partnerët tanë në BE, por edhe më gjerë në botën ekonomike."
Greqia ende me borxhe duke e tejkaluar kufirin e 3 % të Produktit të Brendshëm Bruto
Megjithatë Greqia ende vazhdon të bëjë më shumë borxhe nga sa lejon pakti evropian për stabilitetin dhe rritjen ekonomike. Borxhi vjetor i shtetit është ulur nga 16% në 9% të Produktit të Brendshëm Bruto, por kjo kuotë është shumë më e lartë se kufiri prej 3 %, për të cilin kanë rënë dakord vendet e eurozonës. Papandreu pranoi se mbetet ende shumë për të bërë. „Problemi në Greqi nuk ishte edhe aq buxheti. Ekonomia greke kishte humbur aftësinë konkurruese, ne thjesht kemi blerë më shumë nga sa kemi shitur. Për këtë arsye shumë nga reformat synojnë ta bëjnë ekonominë tonë më konkurruese."
Tani më e rëndësishmja është të transformohet ekonomia, në mënyrë që të rriten të ardhurat. Kancelarja Angela Merkel la të kuptohet se ka gadishmëri për t'i dhënë Greqisë më shumë kohë për arritjen e këtij synimi. Paketa e shpëtimit për Greqinë ka një afat prej tri vjetësh. Merkel tha se është e mundur që ky afat të zgjatet.

Autor: Mathias Bölinger / Eliana Xhani
Redaktoi: Vilma Filaj-Ballvora
DEUTCHE WELLE 22.02.2011
 

dbh

Anëtar i ri
Anëtar
Nov 19, 2010
Postime
598
Pikët
0
Përgjigje e: Ja si u katandis Greqia! Nga vendi i parajsës, në skëterrë

Greqia vendi parajses... per Athinen e lasht e ka fjalen ky gazetari?
 

peshkaqeni33

nje ze midis jush
Anëtar
Jan 29, 2011
Postime
16,739
Pikët
113
Vendndodhja
Kush tha, qe s'jemi komshinj!
Përgjigje e: Ja si u katandis Greqia! Nga vendi i parajsës, në skëterrë

Greket jane ata qe nuk po qeverisin dot veten e tyre, por kerkojne te marrin e te qeverisin edhe toka shqiptare.

Nuk jane njerez te keq greket, por kane astaret e xhepave te pantallonave me ngjic. Nuk kane faj ata! U ngjiten vete leket tek astaret e xhepave te pantallonave grekeve. Nuk eshte se vjedhin. Kete kusur kane pesuar edhe keta "politikanet" tane kohet e fundit. Edhe keta jane viktima te pantallonave me xhepa qe ngisin leket qe qarkullojne neper institucionet shqiptare.

Ju e pate Ilirin e Metajve me sa keqardhje grabiste pasurine e shtetit shqiptare. Sigurisht qe faji nuk ishte i tiji, por i xhepave te tij te thell qe si aspirator gjigand e thithin kartmonedhen pa dallim shtetesie, feje, krahine apo ideje!
 
Top