• Përshëndetje Vizitor!

    Nëse ju shfaqet ky mesazh do të thotë se ju nuk jeni regjistruar akoma. Edhe pse nuk jeni regjistruar ju arrini të shihni pjesën me të madhe të seksioneve dhe diskutimeve të forumit, por akoma nuk gëzoni të drejten për të marrë pjesë në to dhe në avantazhet e të qënurit anëtar i këtij komuniteti. Ju lutem : REGJISTROHUNI që të dërgoni postime dhe mesazhe në Forum-Al.

    Regjistrohu !

Krijimi apo evolucioni?

Besoni tek krijimi apo evolucioni?


  • Numri i votuesve
    25

Alkoma

Jezusi Shpeton
Anëtar
Jan 3, 2011
Postime
2,676
Pikët
48
Vendndodhja
Shqiperi
Marre nga ALBAVIZION.COM

Kjo është një nga temat më interesante për të shqyrtuar për shkak të mashtrimit të pafund që bëhet në emër të shkencës, “fakteve” shkencore, intelektualëve, etj, etj. Kuptohet që meqë shumë prej nesh jemi rritur nën sistemin ateist, ne jemi të mirëinformuar mbi këtë çështje. Nuk ka asgjë të re që evolucionistët mund të na mësojnë ne, që, që nga klasa e pestë mund të rrecitonim çdo rresht nga librat e Darvinit. Duke qënë se unë besoja në teorinë e evolucionit, dhe isha mjaft i zellshëm në këtë fushë, besoj se argumentat e dhëna në këtë artikull, do të jenë jo të pakta për të mbuluar një temë kaq të gjërë.
Ajo që të bën përshtypje në ata që besojnë evolucionin, sidomos në Shqipëri, është përrallat e imagjinatës së zhvilluar, syren apo të tjerëve, që ata i besojnë verbërisht duke i mbështjellur me fraza shkencore, dhe këmbënguljen e tyre për vërtetësinë e kësaj teorie.
Në këtë artikull, do të shikojmë të dyja pikëpamjet nga ana shkencore, dhe si fillim, le të themi që ne sfidojmë çdo njeri që nuk bie dakord me këtë artikull që të paraqesë fakte shkencore për të kundërshtuar ato që do lexoni më poshtë. Nëse dikush është në gjendje ta bëjë këtë, atëherë, ne do e heqim këtë artikull nga ky webiste, dhe do kërkojmë falje për gabimin e bërë. Ky është një premtim.
E themi këtë, për asnjë arsye tjetër, veçse për të treguar se evulocioni nuk është shkencë, nuk është as e llogjikshme, por në të vërtetë është një sistem fetar, që ka më tepër besim sesa ata që besojnë tek “gogoli” apo “plaku me thes”, dhe siç do ta shikojmë më poshtë, kjo thënie nuk është aspak e egzagjiruar.
Atëherë, pa humbur kohë, le ta fillojmë nga fillimi.
Është mjaft interesante, që në shumicën e shkrimeve me përmbajtje evolucioniste, nuk fillohet nga fillimi, por shumica e këtyre shkrimeve fillojnë duke besuar se universi dhe e gjithë lënda e nevojshme për mbështetjen e jetës egzistonte në një farë mënyre. Siç thamë më lart, le ta marrim këtë shtruar, duke filluar nga koka.
Të gjitha teoritë e krijimit të Universit mund të përfshihen në sa më poshtë:
Universi:
1. U krijua rastësisht nga asgjë.
2. U krijua rastësisht nga një krijues.
3. Ka egzistuar në përjetësi.
4. Nuk egziston, është thjesht një iluzion.
Nuk ka asnjë mundësi tjetër për origjinën e universit, përveç atyre që janë përmendur më lart. A njihni ju ndonjë mundësi tjetër? Nëse po, do dëshironim ta dinim.
Le t’i shikojmë me rradhë atëherë.
Pika e parë nuk mund të jetë e vërtetë, sepse kundërshton ligjin e parë të Termodinamikës, i cili thotë se energjia (lënda) nuk mund të krijohet, as të zhduket, ajo thjesht ndryshon nga një formë në tjetrën. Nëse ka ndonjë ligj që është më i vërtetuar dhe universal sesa çdo ligj tjetër në fizikë, këto janë ligjet e Termodinamikës, për të cilët nuk është gjendur ndonjë rrethanë që të mos jenë të vërtetë. Pra, ligji i parë thotë qartë që universi nuk mund të jetë krijuar nga rastësia nga asgjë, sepse lënda nuk krijohet dot rastësisht. Keni kundërshtim ndaj kësaj? OK, provojeni një herë. Krijoni diçka nga asgjëja, pa pasur asnjë element, madje as ajër, krijojeni atë në vakum. Nuk po ju kërkojmë ndonjë gjë të madhe, psh, krijoni një kuti me përmasa 30 cm x 30 cm, më çfarë lloj materiali t’ju vijë për mbarë juve. E bëni dot? Padyshim që jo! Si mund ta bëni atë nga vakumi. Ligji i parë i termodinamikës, është i pakundërshtueshëm.
Pika e tretë nuk mund të jetë e vërtetë, sepse kontradikton ligjin e dytë të Termodinamikës, që është ligji i entropisë, i cili shkurtimisht thotë që gjërat e lënë në vetvete pa ndërhyrje të jashtme shkojnë drej shkatërrimit. Edhe një herë le t’ju kujtojmë se ky është një ligj, jo teori (si ajo e evolucionit) dhe mund të provohet në çdo vend, në çdo kohë. Ky ligj është një shuplakë në fytyrë për evolucionistët. Të gjithë ne besojmë në këtë ligj. Nëse keni një makinë, ju besoni në këtë ligj, nësë keni një biçikletë, shtëpi, apo çfarëdo objekti tjetër, ju e dini mjaft mirë se ato nuk evolojnë, por shkatërrohen me kalimin e kohës. Unë do të doja shumë që makina ime të bëhej më e bukur dhe më e mirë me kalimin e kohës, por nuk do të mbyll sytë përpara fakteve.

Dmth, universi nuk ka mundësi të ketë egzistuar nga përjetësia (pra të mos ketë fillim) sepse nëse kjo është e vërtetë, sipas ligjit të dytë të Termodinamikës, ai do të ishte shkatërruar kohë më parë sesa të kishte mundësi që jeta të fillonte në ndonjë vend. Të vetmit ata që nuk bien dakord me këtë ligj, janë a) evolucionistët, b) politikatët, sepse ata duhet të premtojnë që gjërat do bëhen gjithmonë e më mirë, që të marrin votat tona, c) të çmendurit. Fakti që universi nuk është zhdukur tregon se ai nuk ka egzistuar nga përjetësia (pra ka patur një fillim). Meqënëse një ditë do të ketë një fund (sipas ligjit të dytë të Termodinamikës), në qofte se proceset aktuale vazhdojnë të ndodhin, tregon se koha nuk mund të ketë qënë e përjetshme. Universi ynë është njësi i hapësirës, lëndës, dhe kohës, kështu që nëse një nga këto elemente pati një fillim, edhe dy të tjerat kanë filluar në të njëjtën kohë.
Pika e katërt nuk mund të jetë e vërtetë, sepse ne të gjithë dëshmojmë se universi dhe jeta është e vërtetë, nuk është iluzion. Nëse është iluzion, atëherë shkoni bëni diçka tjetër, mos humbisni kohë duke lexuar këtë artikull.
Duke ditur se nuk ka asnjë mundësi tjetër për krijimin e universit, dhe duke kundërshtuar me ligje shkencore ato teori që egzistojnë në lidhje me krijimin e rastesishëm të universit, e vetmja mundësi e mbetur ështe që Universi i krijua nga një krijues (Zoti).
Por, a ka kuptim që një fuqi e mbinatyrshme të ketë krijuar universin? A është kjo gjë shkencore?
Le ta shikojmë këtë në hollësi dhe objektivisht.
Modeli i evolucionit, nëse është i vërtetë, parashikon se lënda evoloi nga rastësia, nëpërmjet fazave të ndryshme, që nga fillimi më i thjeshtë (që evolucionistët nuk e shpjegojnë dot me shkencë), në elemente më komplekse, yje, galaktika, sisteme djellore, qeliza të gjalla, amfibë, zvarranikë, gjitarë, dhe së fundi njeriu, si shkalla më e lartë e evolucionit. Nëse kjo është e vërtetë, atëherë është e qartë që ekziston një ligj i fuqishëm që ndryshon sistemet drejt niveleve gjithmonë e më të larta kompleksiteti. Pra, ky është parimi kryesor i evolucionit, një ligj i rritjes në organizim, që si rezultat sjell sisteme të reja në natyrë dhe perfeksionon sistemet aktuale.
Nga ana tjetër, modeli i krijimit (nga një krijues, Zoti) parashikon të dy ligjet e Termodinamikës. Së pari, ligjin e parë, që shpjegon se krijimi nga Perëndia ishte i plotë dhe i përsosur, dhe me një qëllim. Së dyti ligjin e dytë të Termodinamikës, si dhe ligjin e konservimit (ruajtjes) së energjisë.
Ligjet e konservimit, janë disa nga ligjet kryesore dhe bazë të çdo shkence. Këtu përmendim, ligjin e konservimit të energjisë, lëndës, momentit, etj. Këto ligje janë të padiskutueshme dhe shumë të rëndësishme për të kuptuar natyrën e të dy modeleve në shqyrtim. P.sh. Termodinamika klasike shpreh se në çdo ndryshim fizik që ndodh në një sistem, entropia gjithmonë rritet. Entropia përkufizohet si sasia e energjisë që është e pamundur të kryejë punë. Le të japim një shembull konkret, meqënëse deri tani mund të duket shumë abstakte. Le të flasim për motorrin e një makine. Sasia e energjisë së prodhuar për të vënë në punë makinën, nuk përdoret 100% nga motorri. Faktikisht 20%-30% e kësaj energjie është energji që bën ‘punë’, pjesa tjetër humbet duke u kthyer në nxehtësi. Pra 70% e energjisë është entropi, dhe kjo energji shkon kot, të paktën jo për gjëra që na interesojnë ne. Ne më mirë do të dëshironim që të ecnim 100 km me një litër benzinë sesa 10-15 km. Ky është një ligj i pakundërshtueshëm dhe i vëzhgueshëm kudo. Mirëpo modeli i evolucionit, nënkupton të kundërtën, që në një farë mënyre energjia e duhur për punë shtohet dhe bëhet më produktive, duke kundërshtuar një ligj që askush s’e ka hedhur poshtë. Pra deri tani shohim se si modeli i evolucionit kundërshton ligjet bazë të shkencës, dhe modeli i krijimit konfirmon ligjet e shkencës.
Le të supozojmë se evolucionistët kanë të drejtë në lidhje me origjinën e universit. Pra, në një farë mënyre apo tjetër, universi u krijua nga rastësia, dhe të gjitha elementet bazë të jetës ishin prezente që nga fillimi i universit. Cili është propabiliteti që dy elemente që kryejnë një funksion të caktuar të lidhen së bashku? Përsa kohë që numri i elementeve që kërkohen për të kryer një funksion të caktuar është i vogël, propabiliteti është i mundshëm. Psh, le të shqyrtojmë mundësinë e dy elementeve që bashkohen për të krijuar një kompozitet që kryen një funksion të caktuar. Dy elementet janë A dhe B dhe kombinimi i suksesshëm është AB. Meqënëse ka vetëm dy mundësi të kombinimit të këtyre elementeve (AB, BA), atëherë propabiliteti i suksesit është një në dy, ose 0.5. Nëse kemi tre elemente që nevojiten për të krijuar një substancë që kryen një funksion, dhe vetëm një kombinim është i suksesshëm, atëherë propabiliteti është një në gjashtë (ABC, ACB, BAC, BCA, CAB, CBA) nga të gjitha kombinimet e mundshme. Nëse mund ta shprehnim këtë me gjuhë matematikore, kjo do të thotë se për çdo kombinim të X elementeve, numri i kombinimeve është X! (X faktorial). P.sh, për tre elemente, numri i kombinimeve është 3! ose 3 x 2 x 1 = 6.
Tani le të shqyrtojmë një organizëm me vetëm 100 elemente që duhen kombinuar për të kryer një funksion të thjeshtë. Propabiliteti që kjo mund të ndodhë nga rastësia është 100! ose 10^158 (dmth 10 me 158 zero prapa). Ky është një number i paimagjinueshëm. Le të mos harrojmë që sipas shkencëtarëve universi përmban rreth 10^80 elektrone. Eshtë e pamundur që një organizëm i tillë të krijohet nga rastësia. Padyshim skeptikët thonë që përsëri ka një mundësi megjithëse propabiliteti është i vogël. Në fund të fundit kjo nuk ndodhi (sipas tyre) brenda natës, por në një periudhë miliarda vjeçare. Sipas shkencëtarëve universi është jo shumë se 30 miliardë vjeçar. Le të supozojmë që çdo element bazë i jetës ka egzistuar për 30 miliardë vjet, që e kthyer në sekonda del 10^18 sekonda. Le të supozojmë se një sekond ndodhin 1 miliardë (10^9) kombinime të mundshme për të krijuar organizmin me 100 elemente që po shqyrtojmë (vini re që këto numra janë vërtetë të ekzagjiruara në dobi të teorisë së evolucionit).

Propabiliteti që ky organizëm mund të krijohet nga rastësia për 30 miliard vjet është 10^9 x 10^18 = 10^27. Siç e përmendëm propabiliteti i saktë 10^158, që do të thotë, se nëse ndodhin 1 miliardë kombinime në sekond për 30 miliardë vjet, propabiliteti që kombinimi i saktë do ndodhë është 10^158 / 10^27 = 10^128, që është një absurditet. Ne zgjodhëm një organizëm me 100 elemente, që sipas NASA-s (agjensia Amerikane e austronatëve) trajnimi i austornatëve përmban mësime se si ata të dallojnë format më të thjeshta të jetës, më e thjeshta prej së cilave përmban 400 amino acide, ku çdo amino acid është një kombinim i katër deri pesë elementeve baze kimike, dhe secili prej këtyre elementeve është një kombimin i veçantë protonesh, elektronesh dhe neutronesh. Të besosh se kjo erdhi nga rastësia jo vetëm që kërkon një besim të verbër, por është çmenduri. Çdo njeri që beson në teorinë e evolucionit ka më tepër besim se të gjithë besimtarët në Zot të marrë së bashku.
Ka dy arsye pse njerëzit pranojnë teorinë e evolucionit. Arsyeja e parë është padituria. Shqipëria fatkeqësisht është e mbushur me njerëz që nuk kanë asnjë njohuri nga këto gjëra që ne përmendëm më lart, dhe janë aq krenare saqë nuk pranojnë asnjë mendim ndryshe nga tyrin. Arsyeja e dytë pse njerëzit besojnë Teorinë e Evolucionit është sepse nuk duan të pranojnë që ka një Zot dhe një ditë do të japin llogari për jetën e tyre para Tij, prandaj vazhdojnë të gënjejnë veten se një teori e tillë është e vërtetë.
Shikoni pak tabelën e mëposhtme. Ka të bëjë me ligjin e shkakut dhe pasojës.
Shkaku i parë i hapësirës së pafund duhet të jetë i pafund
Shkaku i parë i kohës duhet të jetë i përjetshëm
Shkaku i parë i energjisë pa kufi duhet të jetë i gjithpushtetshëm
Shkaku i parë i kompleksitetit të pafund duhet të jetë i gjithëditshëm
Shkaku i parë i vlerave morale duhet të jetë i moralshëm
Shkaku i parë i vlerave shpirtërore duhet të jetë shpirtëror
Shkaku i parë i integritetit duhet të jetë i vërtetë
Shkaku i parë i dashurisë duhet të jetë dashuri
Shkaku i parë i jetës duhet të jetë i gjallë

Cili model përputhet më mirë me këto karakteristika? Evolucioni që mëson se çdo gjë erdhi nga rastësia? Apo krijimi që mëson se ishte Perëndia vetë që krijoi gjithçka, i cili ka ato cilësi që përshkruhen më lart. Ai është i gjithëditshëm, i gjithëpushtetshëm, i përjetshëm, i moralshëm, dashuri dhe i gjallë. Këto janë ato cilësi që Bibla na mëson për Zotin tonë. Ai na do dhe na ka krijuar për një qëllim. Jeta jonë nuk është rastësi, është plot me qëllim dhe kuptim, e dizenjuar personalisht nga Zoti i gjithësisë.
Argumenti më “i fortë” që ata që besojnë evolucionin sjellin për të mbrojtur atë teori ka të bëjë me zhvillimin e shkencës, njohurisë, teknologjisë, etj. Megjithëse kjo mund të duket sikur përputhet me teorinë e evolucionit, kjo s’ka asgjë të bëjë me atë teori. Kjo ka të bëjë me faktin se sa më tepër njerëzit të jenë në planetin Tokë, aq më shumë do të rritet njohuria dhe përparojë shkenca. Kjo është llogjike. Në fund të fundit, fëmijët e brezit të sotëm lindin në një ambjent me teknologji të zhvilluar dhe i mësojnë që të vegjël parimet kryesore që shkencëtarët më të famshëm të 200-300 vjetëve më parë nuk i dinin.

Prandaj, ata nuk kalojnë 20-30 vjet studime për të shpikur ato gjëra që tashmë jane zbuluar, por ndërtojnë mbi njohurinë aktuale. Kjo nuk do të thotë evolucion. Pse a mund të themi ne se një 18 vjeçar sot është më i zgjuar sesa Njutoni? Padyshim që jo, cili është ai i marrë që do të bënte një deklaratë të tillë? Por Njutoni nuk dinte asgjë për kompjuterat, ndërsa një 18 vjeçar sot di shumë për to. Por, nëse Njutoni do të kishte lindur në vitin 1970, ku i dihet se çfarë do të kishte bërë. Ky është një parim i thjeshtë që nuk ka të bëjë me teorinë e evolucionit, por ka të bëjë me faktin se çdo brez ndërton mbi atë njohuri që është dashur mijëra vite të mësohet dhe përcillet në brezat pasardhës, dhe çdo brez do të jetë gjithmonë e më i zhvilluar.

Nëse evolucioni është i vërtetë, atëherë do të shikonim që do të kishim njerëz më të zhvilluar në vendet më të zhvilluara. Kuptohet që shumica e zbulimeve teknologjike janë bërë në Shtetet e Bashkuara. A do të thotë kjo që ata janë një shkallë më lart në shkallën e evolucionit sesa kombet e tjera? Nëse kjo është e vërtetë, si shpjegohet që shumë nga nxënësit e shkollës së mesme në Amerikë mezi dinë të shkruajnë e të lexojnë? Ose si shpjegohet që nëse një nxënës Shqiptar shkon në Amerikë, jo vetem që konkuron me vendasit, por qëndron shumë më lart se shumica e tyre? Çfarë është kjo evolucion? Në qofte se i njëjti nxënës do të ishte lënë në një fshat të humbur të Shqipërisë, a do te jepte ai të njetjtat rezultate? Padyshim që jo, sepse nuk do të kishte mundësi të mësonte të njëjtat gjëra. Atëherë, çfarë kemi këtu evolucion, apo devolucion? Padyshim që jo, kjo është absurde, le të mos ngatërrojnë njohurinë me inteligjencën. Shume njerëz sot kanë më tepër njohuri sesa kishte Njutoni, por janë të rrallë ata që do të kenë ndonjëherë inteligjencën e tij.
Teoria e evolucionit dështon përpara çdo ligji shkencor dhe llogjikës së thjeshtë. Është absurditet të besosh se organet e trupit të njeriut (apo gjitarëve) u krijuan nga rastësia. Si mundet syri të krijohet nga rastësia, apo me “evolim”? Evolim drejt kujt? Njerëzit i fusin ato miliona vitë në mes të çdo fraze sikur ato do ndryshojnë ndonje gjë. Le të flasim për organet e riprodhimit për shembull. Në qoftë se evolucioni është i vërtetë, atëherë do të thotë se ato u zhvilluan në një periudhë miliona vjecare, dhe çdo specie perfeksionoi diçka më tepër në atë sistem. Vërtetë? Po si riprodhoi ajo specie kur organi i riprodhimit nuk egziston akoma?

Një organ 70% i zhvilluar nuk mund të kryejë një funksion, e jo më të ketë pasardhës që ta perfeksionojnë këtë funksion. Njerëzit sot kalojnë vite të tëra kur kanë një sëmundje, shpesh herë pa asnjë rezultat pozitiv, dhe ju mendoni se syri i njeriut u krijua nga rastësia? Po si mundet një organ si syri me 20% zhvillim të vazhdojë të zhvillohet deri 100%? Kjo është çmenduri! Asnjë njeri që ka dy pare tru në kokë nuk mund të besojë nje idiotizëm të tillë. Dhe nëse ndodhi një herë nga rastësia, si ka mundësi që i njëjti organ të zhvillohet në qënie të ndryshme që janë në linja të ndryshme të shkallës së evolucionit? Kjo do të thotë që paralelisht organi i të parit u zhvillua në qënie të ndryshme, që nuk janë drejtpërdrejt të lidhura me njeri tjetrin. Kjo nuk është pamundësi, kjo është çmenduri të besosh se kjo erdhi nga rastësia.

Evolucionistët kanë vendosur që të besojnë diçka që është jashtë çdo lloj llogjike dhe ligji shkencor. Kjo quhet fe, jo shkencë. Shkencë quhet diçka që bazohet në ligjet shkencore, dhe evolucioni dështon para çdo ligji shkencor. Sistemi i evolucionit nuk është asgjë tjetër sesa një fe e rreme, që i mban njerëzit në errësirë duke i gënjyer sikur nuk ka një Zot, krijues të gjithësisë. Sot në botë ka shume fe, dhe nëse dikush vendos që të besojë tek teoria e evolucionit, kjo është zgjedhja e tyre, por nëse ju vendosni të bëni këtë gjë, ju lutem mos a quani atë shkencë, quajeni ashtu siç është në të vërtetë, fe.
Kjo temë është aq e gjërë saqë është e pamundur ta trajtojmë më gjërë në një artikull (sepse ju nuk do lexonit një libër në internet), por ne shpresojmë që t’ju kemi dhënë aq informacion saqë nëse ju besoni në evolucion, të merrni parasysh anën tjetër të fakteve. Nëse kërkoni më tepër informacion, ju lutem na kontaktoni. Zoti ju bekoftë.
________________________________________
Referenca::
1. "Scientific Creationism", Henry M. Morris, 1998.
2. "On Methods of Evolutionary Biology and Anthropology", Theodosius Dobzhansky, 1957.
3. "Life and Letters of Thomas Henry Huxley", Leonard Huxley, 1903.
4. "Evolution and Genetics", Julian Huxley, 1955.
5. "Biology as an Autonomous Science", Francisco J. Ayala, 1968.
6. "Cosmology after Half a Century", W.H. McCrea, 1968.
7. "The Evolution of the Physicist's Picture of Nature", P.A.M. Dirac, 1963.
8. "Science and Modern Cosmology", Herbert Dingle, 1954.
9. "The Case for a Hierarchical Cosmology", G. de Vacoleurs, 1970.
10. "What is Beyond the Universe", Isaac Asimov, 1971.
11. "New Theories of Creation", Jerry E. Bishop, 1972.
12. "Time's Arrow and Evolution", Harold F. Blum, 1962.
13. "Production of Amino Acids under Possible Primitive Earth Conditions", S.L. Miller, 1953.
14. "Enzymatic Synthesis of DNA", M. Goulian, A. Kornberg, R.L. Sinsheimery, 1967.
15. "Introduction to Darwin's Origin of Species", L. Harrison Matthews, 1971.
16. "The Difficulties of Darwinism", Jeremy Cherfas, 1984.
17. "The End of the Lines", Norman Myers, 1985.
18. "Biological Self-Replicating Systems", Harold, J. Morowitz, 1967.
 

bomber

Anëtar i ri
Anëtar
Oct 4, 2010
Postime
142
Pikët
0
Përgjigje e: Krijimi apo Evolucioni

Evolution is taken as fact by both unbelievers and some Christians
 

Alkoma

Jezusi Shpeton
Anëtar
Jan 3, 2011
Postime
2,676
Pikët
48
Vendndodhja
Shqiperi
Përgjigje e: Krijimi apo Evolucioni

Evolution is taken as fact by both unbelievers and some Christians
Evolucioni nuk merret si fakt por si mundesi tjeter . Por shume njerez e kane fiksuar mendjen madje pa i pare as faktet se si qendrojne qe te besojne evolucionin. Kjo nuk dmth se eshte vertete nje fakt. Ka shume shembuj sot ne bote ku trillimet merren per fakte.
Nje nga keto shembuj eshte edhe raporti i Marty per Kosoven gjate luftes. Eshte nje trillim por nuk eshte fakt dhe as mund te faktohet.
Keshtu eshte edhe puna e evolucionit.

Respekte.
 

Alkoma

Jezusi Shpeton
Anëtar
Jan 3, 2011
Postime
2,676
Pikët
48
Vendndodhja
Shqiperi
Përgjigje e: Krijimi apo Evolucioni

Pyetje per evolucionistet.

Si mund te ndryshoje fare e majmunit ne fare njeriu?????
 

Dr.Qendro

Ateist
Anëtar
Feb 26, 2011
Postime
34
Pikët
0
Përgjigje e: Krijimi apo Evolucioni

Pyetje per evolucionistet.

Si mund te ndryshoje fare e majmunit ne fare njeriu?????
haha

Cfare lidhje ka kjo me evolucionin?

Ne asnje nje pjese te evolucionit nuk pretendohet se njeriu rrjedh nga majmuni, haha nuk e paske lexuar ndonjehere librin e Darvinit.

Origin of Species(Kliko), libri i plote ne Anglisht edhe falas.
 

Alkoma

Jezusi Shpeton
Anëtar
Jan 3, 2011
Postime
2,676
Pikët
48
Vendndodhja
Shqiperi
Përgjigje e: Krijimi apo Evolucioni

haha

Cfare lidhje ka kjo me evolucionin?

Ne asnje nje pjese te evolucionit nuk pretendohet se njeriu rrjedh nga majmuni, haha nuk e paske lexuar ndonjehere librin e Darvinit.

Origin of Species(Kliko), libri i plote ne Anglisht edhe falas.
Lexo artikullin me siper tek postimi i pare dhe jep mendim per te nqs ke ndonje mendim.
 

Mandi

ஜ۩۞۩ஜ
Staff member
Anëtar
Feb 8, 2009
Postime
12,117
Pikët
113
Vendndodhja
Përgjigje e: Krijimi apo Evolucioni

>



@Alkoma

Nese ai eshte website yt, atehere te kam kthyer pergjigje nga opsioni "kontakt". Te mjeret ju...
Nqs nuk ke ca poston në këtë temë do të lutesha mos replikoje më budalliqe.
 

Dr.Qendro

Ateist
Anëtar
Feb 26, 2011
Postime
34
Pikët
0
Përgjigje e: Krijimi apo Evolucioni

Nqs nuk ke ca poston në këtë temë do të lutesha mos replikoje më budalliqe.
Po pse cfare po shkruaja une, per teme futbolli?

Ja thashe qarte, te krahasosh evolucionin me teorine e krijimit eshte si te krahasosh nje skuader futbolli me nje kuti gjalpi, dy gjera pa lidhje me njera-tjetren. Duket sikur je ti ai qe poston budallalleqe. Me le ta gjej, ti je ai qe ke votuar pro krijimit?
 

Chanel

°.•°•.★DIVA★.•°•.°
Anëtar
Feb 1, 2011
Postime
187
Pikët
0
Vendndodhja
Underneath the stars
Përgjigje e: Krijimi apo Evolucioni

Pyetje per evolucionistet.

Si mund te ndryshoje fare e majmunit ne fare njeriu?????
Mirë është që para se të hapet një diskutim të ekzistojë dija bazë, ose të kërkohet pak mbi të, që mos të përfundojmë kështu në qorrsokake fatale.

Të sqarohemi pak: Njeriu nuk e ka prejardhjen nga majmuni! Nqs mes një shimpazeje dhe ne njerëzve ka 98% kompatibilitet të gjeneve, kjo nuk do të thotë se ne rrjedhim prej tyre! Kjo duhet kuptuar se janë të së njëjtës familje. Është si të krahasosh macet me qentë;konsiderohen lloje-motra edhe pse janë dy lloje të ndryshme, sepse e kanë prejardhjen nga i njëjti trung, pra kanë të njëjtin pararendës gjenetik. Kjo ngjashmëri kaq e lart e gjeneve mes shimpazesë dhe njerëzve dhe jo psh mes gorillave do të thotë se ky lloji i fundit është shkëputur më herët prej trungut dhe është zhvilluar më vete. Në këtë rast, kushtet e mjedisit luajnë rolin e 'përzgjedhësit' të llojit dhe lloji shndërrohet duke iu përshtatur atij.

Arsyen pse krijimi përbën një absuditet të madh fetar dhe në këtë mënyrë është kryekëput i dështuar e gjejmë pikërisht te dy njerëzit e parë: Adami dhe Eva. E gjithë njerëzia e ka prejadhjen nga këta dy njerëz. Kjo do të thotë, që mbarë njerëzimi është produkt INCESTI!

Fëmijët e parë që Adami dhe Eva patën ishin: Kaini, Abeli dhe Seti. Ata sigurisht që patën edhe fëmijë të tjerë, por në Bibël vetëm këta të 3 përmenden. Gjithsesi Bibla nuk jep të dhëna për numrin e fëmijëve të tjerë që pasuan. Thuhet vetëm se:

'„ Dhe Adami ishte 130 vjeç dhe ngjizi një djalë... dhe e quajti Set; dhe jetoi më pas 800 vite të tjera dhe ngjizi shumë djem e vajza.“ (1.Moisiu 5,3)

Sigurisht që nr. i djemve dhe vajzave të tij ka qënë tepër i madh, duke u nisur nga vargu më lartë, ku Adami i bie të ketë jetuar plot 930! Në fund të fundit, kishte marrë detyrën e shumimit nga Zoti. ''Të jeni pjellorë e të shumoheni!'' (1.Moisiu 1,28)

As më tej nuk jepen të dhëna se kur djemtë përkatësisht u martuan, por është e qartë se për të vazhduar lënien e pasardhësve, djemve të Adamit u është dashur të martohen me motrat e tyre(!) A nuk ka një vers në Bibël që ndalon incestin?!

Nqs shohim Kuranin thuhet se: Havaja dhe Ademi kishin 140 fëmijë; 70 djem dhe 70 vajza.

Me dijën e sotme në fushën e gjenetikës, rezultojnë pasoja fatale nga ngjizja e një fëmije mes dy prindërve që kanë prejardhje gjaku mes tyre. Fëmija merr gjysmën e geneve nga secili prind. Nqs genet janë të ngjashëm në 80% ka mutcione serioze gjenetike. Si pra nga një çift i njëjtë të ketë kaq shumë raca të sotme?


Të ndalemi pak te djali i parë, Kaini. Për Kainin Bibla na thotë se :

'' 16. Atëherë Kaini u largua nga prania e Zotit dhe banoi në vendin e quajtur Nod, në lindje të Edenit.''


dhe vijon

''17. Dhe Kaini njohu të shoqen, e cila u ngjiz dhe lindi Enokun: dhe ai ndërtoi një qytet, dhe i vuri emrin e qytetit, pasi emri i të birit të tij, Enoku.''

Nqs Bibla thotë, se të gjithë njerëzit janë pasardhës të Adamit dhe Evës, atëherë nga na doli gruaja e Kainit?! Që e NJOHU, do të thotë se ekzistenca e saj ishte për të e paditur më parë.

Nqs vazhdojmë me historinë e tij shohim që:

''18.Dhe Enokut i lindi Iradi; Iradit lindi Mehujaeli: Mehujaelit lindi Methusaeli dhe Mathusaelit i lindi Lameku.''

Nga lindën këta? Kush ishin gratë dhe nënat e tyre? Ishin këto motrat apo mbesat e Adamit dhe Evës?

"19. Dhe Lameku mori dy gra: emri i njërës ishte Ada dhe emri i tjetrës Cilah.''

Nga na dolën këto dy gra?

Që të besohet diçka, përveç fakteve, duhet të jetë edhe e ndërtuar mbi logjikën dhe argumetat. Sigurisht që Zanafillës së Biblës i mungojnë. Si dukej, Zoti nuk dëshironte të zgjatej shumë në detajet e krijimit. Për të më i rëndësishëm ishte produkti: Njerëzit!-nani-
 

gurax

Super Moderator
Anëtar
Mar 19, 2011
Postime
3,030
Pikët
48
Vendndodhja
Virgo Supercluster, Local Group, Milky Way, Orion-
Përgjigje e: Krijimi apo Evolucioni

Une do doja te dija ne cilen pike krijimi i Universit ka qofte edhe nje pike te vetme te perbashket me procesin e Evolucionit?
Kjo eshte trashesia me .. ku di une ... me femijenore qe mund te ekzistoje! Qe ne kete fjali-titull, une jam ne gjendje te di (ne kuptimin e vertete te profetit qe eshte ne dijeni te se ardhmes) se cfare do te thuash gjate tere shkrimit! Ne fakt, quhet eksperience.

Gjithsesi...

Mund te them me bindje te plote se kushdo qe ka shkruar ate artikullin e pare ka nje rreshkitje shume madhore nga ajo qe po e quaj "saktesia e informacionit". Do te ishte shume e lodhshme per mua te zbertheja ate shkrim ne copat perberese te informacionit dhe gabimeve te lidhjes se tyre logjike dhe si rezultat edhe i perfundimeve te nxjerra.

Do te marr vetem disa shembuj...

Qe ne fillim, ne pjesen me ngjyra, ka dhe nje opsion tjeter zgjedhjesh, qe eshte "Universi u formua nga nje ngjarje e cila eshte akoma e panjohur, e rastesishtme apo jo eshte vetem nje spekullim per sa kohe akoma kjo ngjarje eshte e panjohur".
Per ilustrim, Alkoma et.al, duke perseritur veten time ne dicka qe e kam shkruar diku tjeter.
Me modele teorike, nje vrime e zeze mund te shihet si nje "berthame" BigBang per nje univers i cili lind ne vrimen e zeze dhe eshte si te thuash nje "kopje ne miniature" e universit ne te cilin lindi. Jo te gjitha vrimat e zeza mund te futen ne kete kategori (psh nuk futen vrimat e zeza qe lindin si pasoje e shuarjes se yjeve). Eshte e pamundur, e perseris, e pamundur, qe matjet e bera brenda ketij universi pasardhes, te mund te nxjerrin informacion nga universi para ardhes dhe te shohin ne nje kohe me te lashte sesa momenti big-bang i universit pasardhes. Pra fare mire, ne mund te jemi vete pjese te nje universi te tille, qe nuk eshte asgje tjeter vecse nje vrime e zeze si kjo qe kam pershkruar me lart ne nje univers tjeter "prind" te universit tone. Zoti le te vazhdoje te luaje akoma me kuklla, mendoj mos e shqetesojme per gjera kaq bajate si ky diskutimi yne.

Tjeter...
Llogaritjet e paraqitura probabilitare jane komplet te pavlera. E para sepse ne nivel energjitik atomik dhe subatomik, sistemi referencial llogarites eshte jolinear dhe i nenshtrohet asaj qe ne gjuhen shkencore quhet "hinka energjitike". Ti nuk e ke idene sa shume here e kam shkruar une kete qe po shkruaj tashti, je i nuk-e-di-se-sa-i-shume-shumti qe po ja shpjegoj, se te besh keto lloj llogaritjesh ne formen qe ti propozon, eshte njesoj si te besh llogaritjet e shpejtesive dhe interaksioneve berthamore me formulat fizike te Njutonit, ose e thjeshtuar per ty, kur nje makine leviz me shpejtesine 0.8c (c=shpejtesia e drites) dhe prej atje qellojme me pushke dhe plumbi leviz me 0.8c ne lidhje me makinen, i bie qe ne lidhje me token te ece me 1.6c !!! Me vjen keq, por jo.
Ndoshta Alkoma nuk eshte shume i interesuar, por per te tere ata qe kane nen kontroll vetedijen e tyre dhe jane te interesuar ne dijen e vertete dhe jo ne figurinat e shemtuara te saj, per detajet e naivitetit te pikerisht ketij pretendimi mund te lexojne nje nga kryeveprat klasike te atyre qe une personalisht i quaj "Paradokset e shkencetareve te medhej duke verifikuar konsistencen e punes se tyre vete".
Zonja dhe zoterinj, "Paradoksi i Levintalit". http://en.wikipedia.org/wiki/Levinthal%27s_paradox

Sic e shihni, vetem sqarimi i dy gabimeve sollen ne tere kete shkrim, te gjate mund te themi. Ju garantoj qe shkrimi fillestar ka budallalleqe dhe cudira te ketij lloji mesatarisht ne cdo pese-dhjete rreshta.
Kaq per sot.



PS: Ne fakt, cudirat me groteske i kam lene me dashje pa i trajtuar. Ti leme dhe pak dinjitet cilitdo qe ka shkruar shkrimin tek albavizion.com :p
 

peshkaqeni33

nje ze midis jush
Anëtar
Jan 29, 2011
Postime
14,613
Pikët
113
Vendndodhja
Kush tha, qe s'jemi komshinj!
Përgjigje e: Krijimi apo Evolucioni

Nuk eshte e rastit qe gjate shekujve gjithmon theologet kane qene ata qe jane detyruar te pershtasin qendrimet e tyre ne varsi te zbulimeve shkencore, qe jane bere. Per mendimin tim Theologjia nuk eshte as shkence sic e paraqisin disa, por eshte nje filozofi qe i ka ikur koha.
 

Alkoma

Jezusi Shpeton
Anëtar
Jan 3, 2011
Postime
2,676
Pikët
48
Vendndodhja
Shqiperi
Përgjigje e: Krijimi apo Evolucioni

Une do doja te dija ne cilen pike krijimi i Universit ka qofte edhe nje pike te vetme te perbashket me procesin e Evolucionit?
Kjo eshte trashesia me .. ku di une ... me femijenore qe mund te ekzistoje! Qe ne kete fjali-titull, une jam ne gjendje te di (ne kuptimin e vertete te profetit qe eshte ne dijeni te se ardhmes) se cfare do te thuash gjate tere shkrimit! Ne fakt, quhet eksperience.

Gjithsesi...

Mund te them me bindje te plote se kushdo qe ka shkruar ate artikullin e pare ka nje rreshkitje shume madhore nga ajo qe po e quaj "saktesia e informacionit". Do te ishte shume e lodhshme per mua te zbertheja ate shkrim ne copat perberese te informacionit dhe gabimeve te lidhjes se tyre logjike dhe si rezultat edhe i perfundimeve te nxjerra.

Do te marr vetem disa shembuj...

Qe ne fillim, ne pjesen me ngjyra, ka dhe nje opsion tjeter zgjedhjesh, qe eshte "Universi u formua nga nje ngjarje e cila eshte akoma e panjohur, e rastesishtme apo jo eshte vetem nje spekullim per sa kohe akoma kjo ngjarje eshte e panjohur".
Per ilustrim, Alkoma et.al, duke perseritur veten time ne dicka qe e kam shkruar diku tjeter.
Me modele teorike, nje vrime e zeze mund te shihet si nje "berthame" BigBang per nje univers i cili lind ne vrimen e zeze dhe eshte si te thuash nje "kopje ne miniature" e universit ne te cilin lindi. Jo te gjitha vrimat e zeza mund te futen ne kete kategori (psh nuk futen vrimat e zeza qe lindin si pasoje e shuarjes se yjeve). Eshte e pamundur, e perseris, e pamundur, qe matjet e bera brenda ketij universi pasardhes, te mund te nxjerrin informacion nga universi para ardhes dhe te shohin ne nje kohe me te lashte sesa momenti big-bang i universit pasardhes. Pra fare mire, ne mund te jemi vete pjese te nje universi te tille, qe nuk eshte asgje tjeter vecse nje vrime e zeze si kjo qe kam pershkruar me lart ne nje univers tjeter "prind" te universit tone. Zoti le te vazhdoje te luaje akoma me kuklla, mendoj mos e shqetesojme per gjera kaq bajate si ky diskutimi yne.

Tjeter...
Llogaritjet e paraqitura probabilitare jane komplet te pavlera. E para sepse ne nivel energjitik atomik dhe subatomik, sistemi referencial llogarites eshte jolinear dhe i nenshtrohet asaj qe ne gjuhen shkencore quhet "hinka energjitike". Ti nuk e ke idene sa shume here e kam shkruar une kete qe po shkruaj tashti, je i nuk-e-di-se-sa-i-shume-shumti qe po ja shpjegoj, se te besh keto lloj llogaritjesh ne formen qe ti propozon, eshte njesoj si te besh llogaritjet e shpejtesive dhe interaksioneve berthamore me formulat fizike te Njutonit, ose e thjeshtuar per ty, kur nje makine leviz me shpejtesine 0.8c (c=shpejtesia e drites) dhe prej atje qellojme me pushke dhe plumbi leviz me 0.8c ne lidhje me makinen, i bie qe ne lidhje me token te ece me 1.6c !!! Me vjen keq, por jo.
Ndoshta Alkoma nuk eshte shume i interesuar, por per te tere ata qe kane nen kontroll vetedijen e tyre dhe jane te interesuar ne dijen e vertete dhe jo ne figurinat e shemtuara te saj, per detajet e naivitetit te pikerisht ketij pretendimi mund te lexojne nje nga kryeveprat klasike te atyre qe une personalisht i quaj "Paradokset e shkencetareve te medhej duke verifikuar konsistencen e punes se tyre vete".
Zonja dhe zoterinj, "Paradoksi i Levintalit". http://en.wikipedia.org/wiki/Levinthal%27s_paradox

Sic e shihni, vetem sqarimi i dy gabimeve sollen ne tere kete shkrim, te gjate mund te themi. Ju garantoj qe shkrimi fillestar ka budallalleqe dhe cudira te ketij lloji mesatarisht ne cdo pese-dhjete rreshta.
Kaq per sot.



PS: Ne fakt, cudirat me groteske i kam lene me dashje pa i trajtuar. Ti leme dhe pak dinjitet cilitdo qe ka shkruar shkrimin tek albavizion.com :p
Me vjen keq edhe pse ke sjelle fjale te medhaja , une nuk e kuptoj dot ate qe je duke u shprehur.
Kurse materialin e albavizion.com e kuptoj qarte, madje eshte shume ethjeshte per tu kuptuar.

Te them te drejten nuk eshte nevoja per fjale te medha per te shpjeguar shkencen sic bejne disa pseudo shkencetare.

Por me fjale te thjeshta qe ta kuptojne te gjithe.

Gjithsesi une ne shkrimet tuaja nuk shoh asnje fakt ose argument qe hedh poshte ato ligje qe sjell albavizion.com
 

crux

V.I.P
Anëtar
Jan 27, 2011
Postime
18,073
Pikët
113
Përgjigje e: Krijimi apo Evolucioni

Nese e ke lexuar materialin me siguri do te shpreheshe ndryshe.
E lexova dhe eshte plot me spekullime.

Apo krijimi që mëson se ishte Perëndia vetë që krijoi gjithçka, i cili ka ato cilësi që përshkruhen më lart. Ai është i gjithëditshëm, i gjithëpushtetshëm, i përjetshëm, i moralshëm, dashuri dhe i gjallë. Këto janë ato cilësi që Bibla na mëson për Zotin tonë. Ai na do dhe na ka krijuar për një qëllim. Jeta jonë nuk është rastësi, është plot me qëllim dhe kuptim, e dizenjuar personalisht nga Zoti i gjithësisë.
ligji i pare i termodinamikes thote qe energjia nuk mund te krijohet ose shkaterrohet...vetem mund te transformohet nga nje forme ne nje tjeter.

je dakord ti qe energjine nuk e ka krijuar "zoti" ?! dhe po te mos jesh mua nuk me behet vone, une nuk i besoj bibles, i besoj fakteve dhe shkences :D

prifterinjte nuk marrin vesh nga termodinamika LOL

ti ben copy paste, une jo, shkruaj ato qe kam mesuar ne shkolle:D

Pra, ligji i parë thotë qartë që universi nuk mund të jetë krijuar nga rastësia nga asgjë, sepse lënda nuk krijohet dot rastësisht. Keni kundërshtim ndaj kësaj?
ca esht kjo genjeshter e trashe mer, ta thashe me siper cfar thote ligji i pare :D


sorry, nuk kam kohe te merrem me budallalleqet e tjera qe shkruhen ne ate artikull.

shkenca nuk mund te vihet kurre ne sherbim te religjionit....Eppur si muove(Galileo Galilei)
 

gurax

Super Moderator
Anëtar
Mar 19, 2011
Postime
3,030
Pikët
48
Vendndodhja
Virgo Supercluster, Local Group, Milky Way, Orion-
Përgjigje e: Krijimi apo Evolucioni

Nese e ke lexuar materialin me siguri do te shpreheshe ndryshe.
:O Cfare? Ore seriozisht e ke ti? haha

Me duket mua apo atje shkruhet:
Evolution is both fact and theory, explaining:

* the major patterns of change in nature
* how these changes occur
* fossil and genetic evidence of change

Si dhe ne fund:
There exists no other scientific explanation that can account for all the patterns in nature, only non-scientific explanations that require a miraculous force, like a creator. Such super-natural explanations lie outside of science, which can neither prove nor disprove miracles. Science provides us with a compelling account and explanation of the changing life on Earth. It should also remind us of our good fortune to have come into being and our great responsibility to ensure the continuity of life.

Dhe ne tere kete gje, ti kenaqesh kur ata vendosin fjalen "Creator" atje dhe nuk arrin te deduktosh pse eshte vene atje dhe domethenien e tere pjeses?

Edhe une po ashtu si edhe Land, nuk kam kohe te merrem me budallalleqe te tilla. Ti or mik, e ke tjeterkund problemin, se vullneti s'te mungon jo.
 

Alkoma

Jezusi Shpeton
Anëtar
Jan 3, 2011
Postime
2,676
Pikët
48
Vendndodhja
Shqiperi
Përgjigje e: Krijimi apo Evolucioni

Ateistet nuk kane kohe te merren me shkencen sepse e kane shkencen ne maje te gjuhes?!!!!

Epo nqs eshte keshtu pra atehere hajde dhe me shpjegoni me fakte dhe detaje se si erdhi ne egzistence universi.

Nqs mund ta beni .

Keni kohe 10 vjet per ta bere.

Po ju pres.
 

gurax

Super Moderator
Anëtar
Mar 19, 2011
Postime
3,030
Pikët
48
Vendndodhja
Virgo Supercluster, Local Group, Milky Way, Orion-
Përgjigje e: Krijimi apo Evolucioni

Jo Alkoma. Nuk kam kohe te merrem me budallalleqet qe sillen ketu, nga ti apo kushdoqofte tjeter, jo me shkencen. Shkences une i kam kushtuar praktikisht pjesen me te madhe te jetes time deri tashti. Kismet me vone. Ndoshta behem dhe astrolog, me sa po kuptoj nga psiqika njerezore, njerezit po t'ju perkedhelesh sedren dhe t'ju thuash budallalleqe, jane ne gjendje te paguajne... :)
Ti kerkon te te deshmohet dicka, kjo gje te deshmohet, me pas ti thua qe nuk e kupton (per kete s'e kam une fajin) dhe kerkon te te thjeshtohet ne maksimum, kur thjeshtohet aq shume sa katandiset ne "e ke gabim" thua jo s'e pranoj. Epo, s'ke c'i ben, jo te tere njerezit jane te zgjuar njesoj. Do prova te tjera per kete? :)

Faleminderit per kete 10 vjecar. Nderkohe qe une do perpiqem te zbuloj pergjigjen e kesaj pyetje, edhe ti, lexo dicka per shkencat ekzakte, meso te pakten nje formule relativiste me teper sesa E=mc^2, psh ate te varesise se permases nga shpejtesia dhe si korelohet kjo me kohen. Nje student imi, dikur ne mesimin perkates menjehere tha: "Dmth qe koha dhe hapesira jane e njejta gje, ne varesi te ne cfare kendveshtrimi e shohim problemin". Ne keta dhjete vjet, une te kerkoj vetem se si e beri lidhjen logjike (me mend, thjesht duke degjuar leksionin) qe mberriti ne nje perfundim te tille.
 

Alkoma

Jezusi Shpeton
Anëtar
Jan 3, 2011
Postime
2,676
Pikët
48
Vendndodhja
Shqiperi
Përgjigje e: Krijimi apo Evolucioni

Megjithate duket qarte se ju nuk e keni kulturen e debatit ose diskutimit.

Kma debatuar me shume ateiste deri me sot por keshtu si ju me ofendime nuk kam pare shume.

Duket qe ka ndikuar teoria e evolucionit tek ju.

Ajo eshte teoria qe i ben njerezit te ndihen te lire per te ofenduar njerezit e ndershem dhe te thjeshte.

Gjithsesi nuk po ju kerkoje shume vetem me thoni me fakte se si ndodhi evolucioni?

Nuk besoj se eshte e veshtire per ju pasi shkencen e keni ne maje te gjuhes.


Po ju pres......
 
Top