• Përshëndetje Vizitor!

    Nëse ju shfaqet ky mesazh do të thotë se ju nuk jeni regjistruar akoma. Edhe pse nuk jeni regjistruar ju arrini të shihni pjesën me të madhe të seksioneve dhe diskutimeve të forumit, por akoma nuk gëzoni të drejten për të marrë pjesë në to dhe në avantazhet e të qënurit anëtar i këtij komuniteti. Ju lutem : REGJISTROHUNI që të dërgoni postime dhe mesazhe në Forum-Al.

    Regjistrohu !

Mish pule me parmezan

SEa

Anëtar i ri
Anëtar
Jan 15, 2010
Postime
1,516
Pikët
0
Vendndodhja
marina di massa
Për 4 persona:

* 600 gr gjoks pule
* 200gr bukë e grirë
* majdanoz
* 50 gr parmezan i grirë
* 1 lugë erëza të përziera
* 2 thelpinj hudhër
* 150 ml qumësht
* 300 ml shtalpë
* 100 ml majonezë
* 6 kastravecë turshi
* vaj
* kripë dhe piper i zi.

Përgatitja:

Gjokset e pulës i presim në copa të holla. Hedhim mbi to kripë, grijmë piper të zi dhe i rrahim me çekiç druri.

Në enë të thellë e hedhim shtalpën, e shtojmë bukën e grirë, parmezanin, 150 ml qumësht, hedhim erëza të përziera, majdanoz të grirë dhe hudhrën e grirë. Përziejmë me lugë, derisa masa të bëhet homogjene.

Në enën e qelqit rezistuese ndaj zjarrit hedhim vaj dhe në të e derdhim gjysmën e masës. Sipër i vëmë copat e pulës. I mbulojmë me gjysmën e mbetur të masës. Enën e qelqit e vëmë në furrë. Pjekim 60 minuta, në temperaturë prej 180 gradë.

Ndërkohë, në enën me majonezë, i grijmë kastravecët turshi dhe grijmë piper të zi. E përziejmë salcën tartar.

Mishin e pulës me parmezan e presim në copë. Tri copë vëmë në pjatën për servirje.
Zbukurojmë me 3 feta limoni dhe 4 degë majdanozi. Sipër çdo cope të mishit të pulës me parmezan vëmë nga një lugë nga salca tartar. Sipër vëmë nga një copë rrepke të kuqe.
 
Top