• Përshëndetje Vizitor!

    Nëse ju shfaqet ky mesazh do të thotë se ju nuk jeni regjistruar akoma. Edhe pse nuk jeni regjistruar ju arrini të shihni pjesën me të madhe të seksioneve dhe diskutimeve të forumit, por akoma nuk gëzoni të drejten për të marrë pjesë në to dhe në avantazhet e të qënurit anëtar i këtij komuniteti. Ju lutem : REGJISTROHUNI që të dërgoni postime dhe mesazhe në Forum-Al.

    Regjistrohu !

Nëntë vite nga vendimi i GJND-së, Haradinaj: Kosova më e fortë se kurrë

Fshatari

No vip
Anëtar
Jul 27, 2013
Postime
8,285
Pikët
113
GJND: Pavarësia e Kosovës legjitime
22 korrik, 2010

Presidenti i Gjykatës Ndërkombëtare të Drejtësisë në Hagë, Hisashi Ovada, tha se gjykata konsideron se e drejta ndërkombëtare nuk përmban ndalesë për deklarata të pavarësisë. Në këtë aspekt, ai theksoi:

“Gjykata konsideron se e drejta ndërkombëtare e përgjithshme nuk përmban ndalesë të zbatueshme për deklarata të pavarësisë. Rrjedhimisht, ajo konkludon se Deklarata e Pavarësisë e 17 shkurtit të vitit 2008, nuk e shkel të drejtën e përgjithshme ndërkombëtare”.

Ovada theksoi se Rezoluta 1244 po ashtu nuk e ndalon shpalljen e pavarësisë së Kosovës.
“Gjykata, rrjedhimisht, ka gjetur se Rezoluta 1244 e Këshillit të Sigurimit nuk i ndalon autorët e Deklaratës së Pavarësisë së 17 shkurtit, 2008, nga shpallja e deklaratës së pavarësië nga Republika e Serbisë. Prandaj, Deklarata e Pavarësisë nuk paraqet shkelje të Rezolutës 1244 të Këshillit të Sigurimit”, tha presidenti i gjykatës, Hisashi Ovada.

Sipas tij, Gjykata Ndërkombëtare e Drejtësisë ka konkluduar se Deklarata e Pavarësisë nuk e shkel të drejtën e përgjithshme ndërkombëtare.

“Gjykata ka konkluduar se miratimi i Deklaratës së Pavarësisë së 17 shkurtit të vitit 2008, nuk e shkel të drejtën e përgjithshme ndërkombëtare, Rezolutën 1244 të Këshillit të Sigurimit ose Kornizën Kushtetuese. Rrjedhimisht, miratimi i Deklaratës nuk e shkel asnjë ligj të zbatueshëm të së Drejtës Ndërkombëtare”, tha zoti Ovada.

Ai tha se gjykata këtë vendim e mori 10:4. Vendimi paraqet goditje të madhe për Serbinë, meqë tash ka gjasa të mëdha që ky opinion i GJND-së të ndikojë që më tepër vende ta njohin pavarësinë e Kosovës.

Deri tash, Kosovën e kanë njohur 69 shtete, përfshirë Shtetet e Bashkuara dhe 22 prej 27 vendeve anëtare të Bashkimit Evropian. (f.b.)
_____________________________________________
https://www.evropaelire.org/a/2107064.html
_________________________________________

Kryeministri në largim i Republikës së Kosovës, Ramush Haradinaj, ka thënë se një nga datat më të rëndësishme të shtetësisë së Kosovës është edhe 22 korriku i vitit 2010, kur Gjykata Ndërkombëtare e Drejtësisë, shpalli verdiktin se, pavarësia e Kosovës është legjitime e drejtë dhe nuk bie ndesh me të drejtën ndërkombëtare.
Haradinaj në një shkrim të bërë në Facebook ka thënë se, vendimi i Gjykatës Ndërkombëtare të Drejtësisë është vendim historik për vendin, i cili ka konfirmuar themelet e pavarësisë tonë, të sovranitetit të shtetit dhe integritetit territorial, transmeton Telegrafi.
Kryeministri në largim, ka thënë se është koicidencë që para nëntë vitesh, një ditë para vendimit të GJND-së, ai ishte thirrur në Hagë, në procesin e dytë gjyqësor, ndërsa sot sërish thirret në Hagë, në përvjetorin e nëntë të kësaj gjykate.
_______________________________________
https://telegrafi.com/nente-vite-nga-vendimi-gjnd-se-haradinaj-kosova-e-forte-se-kurre/
 
Last edited:
Top