Krimea

http://www.evropaelire.org/content/article/25279169.html


Kjo krizë, në qendër të së cilës janë rusët etnikë që kërkojnë integrimin me Moskën dhe tatarët e Krimeas, me besim islam, që duan të mbeten në Ukrainë, është emblematike për tensionet që kanë përshkuar jetën e përditshme për vite të tëra në këtë gadishull të Detit të Zi.

Krimea është gadishull në Ukrainë, i vetmi rajon i këtij vendi ku rusët etnikë janë shumicë.

Ata përbëjnë afro 60% të popullatës së përgjithshme të rajonit prej dy milionësh.

Prej shekullit të 18-të, e deri para 60 vitesh, ky gadishull ishte pjesë e Rusisë.

Për shkak të historisë së veçantë dhe të dhimbshme, tatarët e Krimeas janë të frikësuar, thotë Igor Semivolos, drejtor i Qendrës për Studime mbi Lindjen e Afërt në Kiev…

"Ata ndihen të kërcënuar nga popullata ruse ose më saktësisht nga kozakët dhe formacionet tjera që tani po krijohen, në këto rrethana të histerisë politike që po mbretërojnë në Krime”, thotë zoti Semivolos, duke shtuar se edhe rusët ndihen të kërcënuar për sa i përket trashëgimisë së tyre dhe të dyja palët po përpiqen të mbrojnë vetveten.

Më 26 shkurt, tatarët kanë hyrë rrëmbyeshëm në ndërtesën e parlamentit rajonal në kryeqytetin Simferopol dhe Kremlini vendosi të nis ushtrime ushtarake afër Krimeas. Sot ndërkaq persona të armatosur pro-rusë kanë pushtuar ndërtesat qeveritare dhe kanë vendosur flamujt rus.

Refat Chubarov, udhëheqës i komunitetit Tatar dhe ligjvënës në parlamentin e Krimeas mendon se kriza politike aktuale ka të bëjë me një kërcënim ekzistencial.

"Çdo rrezik, kanosje, sipas nesh, që çon drejt ndarjes së Ukrainës apo humbjes së sovranitetit apo një pjese të sovranitetit është për ne e papranueshme. Ne e kuptojmë që nëse kjo ndodh – larg qoftë – ne do të jemi të parët që do ta vuajmë, sepse do të jemi sërish në një situatë ku kataklizmat e tilla shkatërrojnë çfarëdo mundësie për ne që të kemi të drejta të ekzistojmë si popull”, tha zoti Chubarov.

Në maj të viti 1944, popullata e tërë prej 200 mijë vetash e tatarëve të Krimeas u dëbua me dhunë nga Armata e Kuqe e Stalinit.

Gjysma vdiq në vitin e parë të dëbimit. Në pronat e tyre Stalini vendosi familje të tëra ruse.

Me rrënien e Bashkimit Sovjetik, tatarët filluan të kthehen në vendin e tyre dhe tani përbëjnë 12 % të popullatës në këtë gadishull.

Ata jetojnë së bashku me popullatën ruse, e cila në masë të madhe ua mohon vuajtjet nën regjimin sovjetik dhe e cila sot e kësaj dite beson se se populli tatar ka bashkëpunuar me nazistët gjatë Luftës së Dytë Botërore.

Analisti Semivolos thotë se tatarët e Krimeas vazhdojnë të jetojnë në atë që ai e quajti “mendësi post-gjenocidale”.

"Tatarët në shumë mënyra janë ende duke jetuar përmes përjetimeve të gjenocidit. Për ta, kjo ende nuk ka marrë fund dhe procesi i kthimit po vazhdon akoma. Prandaj edhe ekzistojnë perceptimet mbi kërcënimet, mbi rreziqet ekzistenciale, ekzistencën fizike, e kështu me radhë”, thotë zoti Semivolos.

Zyrtarët administrativ në këtë zonë të dominuar nga rusët kanë ushtruar trysni mbi tatarët e kthyer që kur nis procesi i riatdhesimit të tyre, duke ua bërë të vështirë të marrin toka, të ndërtojnë shtëpi e xhami, apo të hapin shkolla.(a.vidishiqi)

Përgjigje e: Krimea

Nuk eshte emblematike fare.Sipas pyetjeve qe ju bene meshkujve dhe grave ruse(anti demonstruesve tartar): kerkojme referendum popullor(dhe jo parlamentar) per nje Republike Autonome te pavarur nga Kievi,nuk eshte e thene qe ti jepemi Moskes.
PS: Putin nuk po ndihet..........
Hrushovi ishte nje klloun palaco,qe e integroi me Ukrainen.........Crimene.
Jane rehabilituar me 1967...Taras Bulbat,dhe qe nga 1988 te ktheheshin ne troje.
Skishte rene akoma BRSS.
Sa per dijeni protestat i filluan tartaret dhe jo ruset.
Edhe klika e re ne Kiev do ta heqi zyrtarisht gjuhen ruse ne vend???
E demontuan me vone...phhhhhhhhhhhhh
Cfar prisni juve?????????????
Foto e 5000 mije tarrasa-ve!

Përgjigje e: Krimea

WSJ


Si udhëheqës autoritar që është, Putini është i paparashikueshëm. Por ai mund të ctensionojë me po të njëjtën lehtësi që vendosi të konfrontojë qeverinë e re ukrainase këtë javë. Problemi është se në cdo front, qoftë në mbrojtjen raketore në Europën Lindore apo në Siri, kjo Shtëpi e Bardhë ka bërë lëshime ndaj dëshirave të tij dhe nuk i ka dhënë asnjëherë arsye që të respektojë vullnetin e Amerikës

Se si do të përgjigjej Vladimir Putini ndaj poshtërimit që pësoi javën që kaloi në Ukrainë, erdhi me rrokullimën e ngjarjeve të të enjtes. Të paktën SHBA dhe Bashkimi Europian nuk mund të kenë më dyshime në lidhje me qëllimin e udhëheqësit të Rusisë, për të provokuar një konflikt të dhunshëm në Europë.

Gjatë natës, në gadishullin e Krimesë në Ukrainë, dhjetëra njerëz të armatosur dhe të mirë-organizuar dëbuan rojet e parlamentit rajonal si dhe të qeverisë lokale, dhe ngritën një flamur rus në të dy ndërtesat e kryeqytetit, Simferopol. Shtatë autoblinda, që ndodheshin pranë flotës ruse të Detit të Zi u nisën në të njëjtën kohë nga baza pranë qytetit, por u rikthyen mbrapsht pasi u mësua se “pushtuesit” kishin hyrë të sigurtë. Po në të njëjtën kohë, parlamenti i zgjedhur i Krimesë votoi për të mbajtur një referendum mbi statusin e rajonit në muajin maj. Operacioni kishte kudo shenjat e forcave speciale ruse.

Më vonë atë ditë, presidenti i rrëzuar i Ukrainës, Viktor Janukovic, u shfaq pasi ishte zhdukur për një javë, me një deklaratë për dy agjenci shtetërore ruse të lajmeve. Duke u vetëquajtur “udhëheqësi i ligjshëm” i Ukrainës, ai shkruante: “Jam i detyruar t’i kërkoj Federatës Ruse që të garantojë sigurinë time personale nga veprimet e ekstremistëve”. Dhe me sa duket Rusia “u bind”. Sot, Janukovici pritet të mbajë një konferencë shtypi në një qytet jugor të Rusisë.

Ish presidenti u largua nga Kievi të premten që kaloi, pasi aleatët e tij dhe policia e braktisi. Më pas, Parlamenti votoi për ta larguar nga detyra. Prokurorët duan ta gjykojnë për vrasjen e 100 protestuesve. Provat e korrupsionit që kanë dalë hapur që me largimin e tij, e kanë shndërruar në një lloj Bokassa ukrainas. Mes tyre, edhe një tualet të florinjtë që zotëronte në rezidencën e tij private në periferi të Kievit. Putini nuk është shumë nazeli sa i përket shoqërisë së Janukovicit. Ky i fundit mund të jetë një gur shahu në ekzil, në lojën ruse të destabilizimit të Krimesë, dhe ndoshta edhe rajoneve lindore rusishtfolëse, që dikur ishinbaza politike e udhëheqësit të rrëzuar. Ukrainasi iu kundërvu protestave me plumba javën që kaloi, me mbështetjen e Moskës dhe me ndihmë të drejtpërdrejtë nga këshilltarë ushtarakë rusë, sic e treguan edhe dokumentat që u gjetën pas rrëzimit të tij. Ndoshta Putini mendon që nëse e “lëshon” Janukovicin, atëherë mund të humbasë ndikimin edhe tek shokët e tij autoritarë në Bjellorusi dhe në Azinë Qendrore.

Krimea është shndërruar tashmë në pikën e nxehtë të konfliktit mes dy fqinjëve të mëdhenj. Shumica e banorëve të Krimesë janë rusë etnikë, por aty jeton edhe një minoritet jo i vogël ukrainas dhe tartar. Rajoni ka qenë i qetë prej kohësh, por fundjavën që kaloi aty u mbajt një protestë e madhe proruse, ndërkohë që të mërkurën pati një kundërprotestë edhe më të madhe nga ana e tartarëve. Tani, ka lajme për “vullnetarë” që janë nisur drejt Krimesë, si dhe që janë ngritur pika kontrolli me besnikë rusë të armatosur.

Kjo krizë e fabrikuar e kap Ukrainën në një moment të dobët. Qeveria e tranzicionit u votua të enjten në Kiev. Presidenti i përkohshëm dha një paralajmërim kundër “agresionit ushtarak” dhe u bëri thirrje trupave ruse të qëndrojnë në bazat e tyre. Ukraina ka polici dhe forca të tjera sigurie në Krime. Por, telashet atje, u largojnë vëmendjen udhëheqësve ukrainas nga përmbushja e premtimeve për të spastruar qeverinë dhe shpëtuar një ekonomi që po fundoset. Gjë që, pa dyshim, është qëllimi i Putinit.

Kremlini po teston reagimin e Perëndimit, ashtu sikurse dhe atë të Ukrainës. Putini pa që Europa dhe Uashingtoni bënë shumë pak për të ndihmuar Gjeorgjinë, kur Rusia e pushtoi në 2008-ën dhe këta ishin flegmatikë gjatë tre muajve të protestave në Ukrainë. Lëvizjet e kësaj jave tregojnë se apo po mendon një ndarje territoriale të Ukrainës, që është një mënyrë për të garantuar që ajo do të qëndrojë jashtë BE-së dhe NATO-s.

Nuk është në tipin e tij ndoshta, por Presidenti Obama mund të njoftojë Putinin se nëse vepron kështu, cmimi për t’u paguar do të jetë i konsiderueshëm. Rubla pësoi një rënie rekord këtë javë dhe ekonomia ruse është e goditshme prej sanksioneve perëndimore. Cdo provokim i dhunshëm në Ukrainë, një shtet europian me 46 milionë banorë, do ta bënte Rusinë jo të mirëpritur në G-8 dhe në vende të tjerë të qytetëruar.

Si udhëheqës autoritar që është, Putini është i paparashikueshëm. Por ai mund të ctensionojë me po të njëjtën lehtësi që vendosi të konfrontojë qeverinë e re ukrainase këtë javë. Problemi është se në cdo front, qoftë në mbrojtjen raketore në Europën Lindore apo në Siri, kjo Shtëpi e Bardhë ka bërë lëshime ndaj dëshirave të tij dhe nuk i ka dhënë asnjëherë arsye që të respektojë vullnetin e Amerikës. Një cicërrimë nga selia e NATO-s dhe një deklaratë e John Kerryt të enjten, në lidhje me Krimenë, nuk e ndryshon këtë fakt.

Këtu në lojë është e ardhmja e demokracisë në Ukrainë, dhe ndoshta e paqes në Europë. Administrata Obama më në fund u zgjua para sfidës së Putinit në Ukrainë gjatë dy javëve të fundit, por tani Putini po e ngre sërish stekën. Në Krime po bie alarmi.

Përgjigje e: Krimea

europaelire.org, Postuar më 18.03.2014

Putin: Krimeja e pandashme nga Rusia

Presidenti rus, Vladimir Putin dhe liderët e Krimesë kanë nënshkruar traktate që e bëjnë Krimenë e Ukrainës dhe qytetin e Sevastopolit pjesë të Federatës Ruse.

Përgjigje e: Krimea

Ne Krime punet vejne mbare....
http://news.allcrimea.net/news/2014/5/27/pensii-i-zarplaty-bjudzhetnikov-v-krymu-vyrosli-13390/
Dhe do deshiroja nje president te tille...qe sa ben,realizon,ka te ngjare edhe mashtron???
Diku tjeter hic...
Nga DONRus2