L0verman
V.I.P
- Anëtar
- Nov 29, 2019
- Postime
- 16,993
- Pikët
- 113
A humbet puthja gjate marteses?
Sepse per seksin e dime: pas kaq vitesh martese eshte zbehur aq shume, sa thuhet se jeton ne vrime te miut dhe del vetem per festa zyrtare, pervjetore ose kur femijet flene jashte.
Sipas nje studimi krejtesisht ne Shqiperi, 8 ne 10 çifte e kujtojne puthjen vetem kur shohin ndonje serial turk. Dy te tjeret nuk u pergjigjen pyetjeve, sepse kishin vite qe flinin me shpinen nga njeri-tjetri.
Ne fillim te lidhjes, gruaja e puth burrin sikur ai eshte mashkulli i fundit qe i ka mbetur planetit. E kap nga qafa, i mbyll syte dhe harron boten. Pas marteses, e puth ne balle si femijen para shkolles dhe i thote: “Mos harro te paguash dritat.”
Dikur puthja zgjaste aq shume sa humbnin sensin e kohes. Sot zgjat me pak se kontrolli i frigoriferit. Dikur ajo thoshte: “Eja ketu.” Sot thote: “Mos u afro se kam vene krem.” Dikur priste te mbeteshin vetem. Sot thote: “Prit sa te fleje femija”, edhe pse femija tashme ka patentë, pune dhe problemet e veta ne çift.
Sipas studimit, grate nuk e humbin aftesine per te puthur. Thjesht, pas marteses, e kalojne ne arkiv bashke me te brendshmet e bukura, mesazhet romantike dhe durimin. Puthja ishte pjese e fushates elektorale. Pasi fitohet mandati, premtimet shtyhen per legjislaturen tjeter.
Por edhe burrat nuk jane viktima te pafajshme. Kerkojne puthjen e fillimit, por kane harruar te jene burri i fillimit. Dikur vinin me parfum, floke te rregulluar dhe barkun brenda. Sot hyjne ne shtepi me shapka, kanatjere, telefonin ne dore dhe pyesin me erotizem te papermbajtshem:
“Ca kemi per te ngrene?”
Pastaj habiten pse gruaja nuk ndizet.
Nuk mund te kerkosh puthje si ne kinema, kur ke hyre ne sallon si teknik lavatriçesh dhe je shtrire ne divan me telekomanden mbi bark.
Megjithate, edhe grate kane pjesen e tyre te krimit. Pas marteses, burri nuk shihet me si mashkull, por si shofer, bankomat, hidraulik, roje nate dhe personi qe nxjerr plehrat. Eshte e veshtire ta puthesh me pasion nje burre, pasi sapo i ke thene
“Mos harro buken, faturat, vajin e makines dhe detergjentin.”
Keshtu puthja nuk vdes menjehere. Nuk ka funeral, as kurora me lule. Vdes ngadale, mes telefonit, lavatriçes dhe nje “jam e lodhur”. Fillimisht mungon nje nate, pastaj nje jave, pastaj askush nuk mban mend se kur ka ndodhur per here te fundit.
Martesa vazhdon normalisht, si administrate shteterore: ka detyrime, ka dokumente, ka ankesa, por sporteli i pasionit eshte mbyllur per rikonstruksion……
Dhe megjithate, puthja eshte termometri i çiftit. Kur ka puthje, ka ende afersi. Kur ka vetem nje “naten e mire” nga ana tjeter e krevatit, dashuria mund te jete gjalle, por mbahet me aparatura.
Prandaj, zonja te dashura, putheni burrin here pas here edhe pa i kerkuar para, favor ose pazarin. Qe te mos i duket vetja sikur jeton me drejtoreshen e tatimeve
Dhe burra te dashur, para se te ankoheni se gruaja nuk ju puth me si dikur, shikoni veten ne pasqyre dhe pyesni:
“Jam ende burri qe ajo donte te puthte, apo jam kthyer ne nje pajisje shtepiake qe ben zhurme dhe kerkon darke?”
Pyetja per popullin:
Kush e vrau puthjen ne martese: gruaja qe pushoi se puthuri, burri qe pushoi se joshuri, apo rutina qe i adoptoi te dy dhe i rriti si vella e moter?
