Përshëndetje Vizitor!
Nëse j’u shfaqet ky mesazh, do të thotë se ju nuk jeni regjistruar akoma. Edhe pse nuk jeni regjistruar, ju arrini të shihni pjesën më të madhe të seksioneve dhe diskutimeve të forumit, por akoma nuk gëzoni të drejten për të marrë pjesë në to dhe në avantazhet e të qënurit anëtar i këtij komuniteti. J’u lutem:REGJISTROHUNI që të dërgoni postime dhe mesazhe në Forum-Al.
Më lexo mirë se kemi fjalë me problematika të ndryshme, ku secila duhet të shtjellohet në vete, dy herë. Një në aspekt profesional. Dy në atë personal.
Po i del boja edhe turizmit mjeksor ne Shqiperi,
Vdekja e biznesmenit italian në klinikën private në Tiranë/ Nisin hetimet për kirurgun dhe dietologen
Një udhëtim shëndetësor që kishte si qëllim humbjen e peshës përfundoi tragjikisht për Massimo Ferro, 54 vjeç, sipërmarrës nga Camposampieroboldnews.al
Vdekja e biznesmenit italian në klinikën private në Tiranë/ Nisin hetimet për kirurgun dhe dietologen
10:29 : 07/02/2026 në AKTUALITET, KRONIKE
Një udhëtim shëndetësor që kishte si qëllim humbjen e peshës përfundoi tragjikisht për Massimo Ferro, 54 vjeç, sipërmarrës nga Camposampiero i Italisë, i cili humbi jetën më 22 dhjetor 2025 në Shqipëri, pas një ndërhyrjeje kirurgjikale për zvogëlimin e stomakut.
Pas vitesh dietash pa sukses, Ferro kishte vendosur t’i besonte një klinike private në Milano, e cila i kishte propozuar kryerjen e operacionit në Tiranë, në një strukturë private të lidhur me klinikën italiane, me një kosto prej 4.400 euro, shumë më e ulët krahasuar me rreth 15 mijë eurot që kërkoheshin në Itali.
Sipas mediave italiane, për të sqaruar rrethanat e vdekjes, Prokuroria e Padovës ka regjistruar në listën e personave nën hetim kirurgun Andrea Formiga dhe dietologen Alessandra Freda, të dy nga Lombardia. Autopsia mbi trupin e 54-vjeçarit pritet të kryhet të hënën në Padova, nga mjeku ligjor Antonello Cirnelli, i ngarkuar nga prokuroria.
Sipas hetimeve paraprake, kontakti mes Ferro-s dhe kirurgut ishte vendosur përmes mesazheve në WhatsApp, ku ishin diskutuar informacionet mjekësore, kostot dhe organizimi i udhëtimit. Edhe pse pacienti vuante nga diabeti i tipit II dhe peshonte 108 kilogramë, ndërhyrja u planifikua për 18 dhjetor, ndërsa analizat para-operative, të papërfunduara në Itali, u kryen vetëm një ditë para operacionit në Tiranë.
Familjarët e viktimës, përmes avokatëve Stefano Squarise dhe Jenny Lopresti, kanë denoncuar se nuk janë respektuar protokollet italiane dhe ndërkombëtare për kirurgjinë e obezitetit, duke theksuar se udhëzimi i vetëm i dhënë pacientit kishte qenë të mos konsumonte ushqim që nga mbrëmja para ndërhyrjes.
Massimo Ferro kishte mbërritur në Tiranë më 17 dhjetor, së bashku me bashkëshorten e tij, Romina. Operacioni u krye një ditë më pas, ndërsa më 22 dhjetor, gjendja e tij shëndetësore u përkeqësua ndjeshëm: iu rrit temperatura, pati vështirësi në frymëmarrje dhe më pas pësoi arrest kardiak fatal. Deri më tani, shkaku i saktë i vdekjes mbetet i paqartë.
“Duam vetëm të dimë pse Massimo nuk u kthye më në shtëpi”, kanë deklaruar bashkëshortja dhe fëmijët e tij, ndërsa hetimet vijojnë për të hedhur dritë mbi përgjegjësitë e mundshme në ngjarjen tragjike.
As ti s’mund ta gjykosh të shprehurit tim pa bazë njohurie, e vetëm në perceptim personal.
O zotni. Të kam nderuar temën e përgjigjet që mi ke parashtruar. Jam shprehur si e kam ndje dhe vlerësuar. Perceptimet e njerëzve kanë qenë, janë dhe do jenë të ndryshme. Dhe le të jenë.
