Sot para para 25 viteve me datë 10.06.2001 u plagosa në vijë të frontit ballë për ballë duke luftuar me armikun...
Por nuk e kisha ditur saktësisht se këtë gjak, këtë mund, këtë djersë dhe këtë sakrificë që e kam dhënë me zemër, nuk paskam pasur kujt t'ia jap...
Pas shumë zhgënjimeve e kuptova se një pjesë e atyre që shiteshin si besimtarë musliman , në të vërtetë e kishin fenë vetëm në gjuhë, jo në zemër. shitshin moral nëpër oda, por kishin jetuar me dy fytyra. Flisnin për drejtësi, por përuleshin para interesit dhe pilavit të nexhdit. Në sy të përqafonin, pas shpine shpifin dhe të përgojojnë ,soji i këtyre është "besimtar musliman pa fe"
Patriotët, e kam ditur për disa se janë shumë patriot e kombëtarë, kam dëgjuar shumë patriotizëm nëpër fjalime, shumë flamuj nëpër duar dhe shumë betime për atdheun. Por kur erdhi momenti për të mbrojtur interesin kombëtar, shumë prej tyre u shndërruan në heshtje, servilizëm dhe tradhti.
Këto janë patriota kombëtarë kopila melezarë që nuk ju dihet prejardhja...
Pas luftës dolën komandanta të pasluftës që puthen me shkije dhe shkojnë ju blejnë burek dhe hamburgera dhe ju dërgojnë shkijeve nëpër zyra (izvolite shefe burek)
Politikanët shqiptarë, arritën atë që armiku nuk e bëri dot për dekada: ta lodhin, ta zhgënjejnë dhe ta fyejnë dinjitetin e këtij populli çdo ditë, me buzëqeshje para kamerave dhe me përbuzje pas dyerve të mbyllura.
Sot mua nuk më pikëllojnë armiqtë, ata kanë qenë gjithmonë aty. Më dhemb maska e mikut, buzëqeshja e rreme, patriotizmi me qira (para dite patriot e pas dite tradhëtarë), feja dhe morali me orar (para dite musliman e pas dite shejtan) dhe besa e amaneti që shitet me çmim.
Më pikëllojnë ata që dolën nga gjiri i këtij populli dhe u bënë më të rrezikshëm se armiku. Ata që shitën ndërgjegjen për një pilav nexhdi, për një post, për një privilegj, për një tavolinë pushteti.
Koha është dëshmitari më i madh. Ajo nuk fal, nuk harron dhe nuk gënjen.
Koha është gjykatësi më i drejtë. Ajo ua heq të gjithëve maskat. Atëherë do të shihet qartë kush sakrifikoi dhe kush jetoi duke tregtuar me mundin dhe sakrificën e tjetrit.
Besim Aliu
Ish ushtar dhe invalid i luftës së UÇK-së 2001
View attachment 355811
View attachment 355810
View attachment 355808
Pa he se per dokumenta jam e interesuar! 
