-
Përshëndetje Vizitor!
Nëse j’u shfaqet ky mesazh, do të thotë se ju nuk jeni regjistruar akoma. Edhe pse nuk jeni regjistruar, ju arrini të shihni pjesën më të madhe të seksioneve dhe diskutimeve të forumit, por akoma nuk gëzoni të drejten për të marrë pjesë në to dhe në avantazhet e të qënurit anëtar i këtij komuniteti. J’u lutem:REGJISTROHUNI që të dërgoni postime dhe mesazhe në Forum-Al.
Zahir Pajaziti
- Thread starter Llapi
- Start date
Llapi
V.I.P
- Anëtar
- Dec 22, 2011
- Postime
- 27,807
- Pikët
- 113
Partia Demokratike e Kosovës - PDK
Kryetari Memli Krasniqi me kolegë dhe bashkëpunëtorë nga Partia Demokratike e Kosovës, ka bërë homazhe te shtatorja e heroit Zahir Pajaziti, i cili ra në altarin e lirisë 28 vite më parë, bashkë me Hakif Zejnullahun dhe Edmond Hoxhën.
I përjetshëm është kujtimi për tre luftëtarët e orëve të para të Ushtrisë Çlirimtare të Kosovës, të cilët u bënë burim frymëzimi për brezat pasues të çlirimtarëve në përmbushjen e misionit të popullit tonë për liri e pavarësi.
Lavdi veprës dhe sakrificës emblematike të Zahir Pajazitit, Hakif Zejnullahut dhe Edmond Hoxhës!
Llapi
V.I.P
- Anëtar
- Dec 22, 2011
- Postime
- 27,807
- Pikët
- 113
Rrustem Mustafa
31.01.1997 UÇK dhuroi Kosovës për Hero:
Zahirin-Hakifin-Edmondin, nismëtarët e UÇK-së.
Zahir Pajaziti ishte komandanti tipik i Ushtrisë Çlirimtare të Kosovës, i cili përkufizoi në mënyrë shembullore taktikën dhe strategjinë e veprimit të UÇK’së, në luftën kundër okupatorit.
Komandanti fliste, organizonte, vepronte,derisa ne e dëgjonim, ëndërronim, frikesoheshim dhe pak nga pak angazhoheshim në strukturat luftarake që krijonte komandanti me shokët.
Me këtë betejë, Komandanti po sfidonte kohën, po kalonte mentalitetin tonë lokal dhe po krijonte njësi luftarake në çdo pjesë të Vendit. Punës së filluar, ai po i qëndronte besnik deri në vetëmohim.
Sot, falë këtij burri të madh dhe burrave të tjerë që e ndoqën pas, Kosova edhe shqiptarët janë të lirë dhe kanë aleatë faktorët më relevantë dhe vendimtarë të të gjitha kohërave dhe të të gjithë botës së përparuar.
Tani, në rrethana të reja duke iu falënderuar ndihmës së pakursyer të miqve tanëSHBA, ne çdo ditë e më shumë po bëjmë hapa konkret drejt qëllimeve tona zhvillimore-kombëtare.
Për Zahirin, Edmondin, Hakifin dhe gjithë të rënët i përjetshëm qoftë kujtimi dhe respekti!
Lavdi atyre që në rrethana të reja do të vazhdojnë të konkretizojnë idealet e Kombit Shqiptarë!
Gi de Masha
The untouchables ...
populli i ka mbrojtur trimat e vet.
Pse duhej të thoshte: i vrau Zahiri dhe ata ta zinin?
Të kujtohet rasti Panda kur shkjetë vranë fëmijët e vet e thanë: shqiptarët i kanë vrar¨¨e!
Gi de Masha
The untouchables ...
po ma con mallin e kojshisë tem patriot, dmth paske folur me gjuhën e tij..
nime a je ende në kontakt me këta drenicakët e mi që të tregojshin jo asht adem gashi, jo adem gashani.
mos i ngo këta... bisedo me ndonjë drenicak të mirë, të besës, të fjalës e mbi të gjitha trim, se ka Drenica shume sish!
pyete @kreksi -n, deri dikund edhe @Ylber Shala
Llapi
V.I.P
- Anëtar
- Dec 22, 2011
- Postime
- 27,807
- Pikët
- 113
Bedri Hamza kujton Zahir Pajazitin, Hakif Zejnullahun dhe Edmond Hoxhën
Demokracia
12:17 | 31 Janar 2025
Share:
Share
Tweet
Kandidati i PDK-së për Kryeministër, Bedri Hamza, ka përkujtuar Zahir Pajazitin, Hakif Zejnullahun dhe Edmond Hoxhën.
“Sot i kujtojmë tre heronjtë tanë, Zahir Pajazitin, Hakif Zejnullahun dhe Edmond Hoxhën. Më 31 janar 1997, në një nga betejat e para të Ushtrisë Çlirimtare të Kosovës, ata dhanë jetën për lirinë dhe Kosovën. Sakrifica e tyre mbetet një nga shtyllat kryesore të rezistencës sonë kombëtare dhe një frymëzim i përhershëm për gjeneratat e reja”.
“Në këtë ditë përkujtimi, nderojmë veprën e tyre të lavdishme dhe riafirmojmë përkushtimin tonë për vlerat që ata mbrojtën deri në fund. Lavdi e përjetshme të gjithë të rënëve për lirinë!”, ka thënë Hamza në një deklaratë për Klan Kosova.
Më 31 janar 1997, Zahir Pajaziti, Hakif Zejnullahu dhe Edmond Hoxha kanë rënë dëshmorë në fshatin Pestovë të Komunës së Vushtrrisë dhe janë dëshmorët e parë të UÇK-së.
Demokracia
12:17 | 31 Janar 2025
Share:
Share
Tweet
Kandidati i PDK-së për Kryeministër, Bedri Hamza, ka përkujtuar Zahir Pajazitin, Hakif Zejnullahun dhe Edmond Hoxhën.
“Sot i kujtojmë tre heronjtë tanë, Zahir Pajazitin, Hakif Zejnullahun dhe Edmond Hoxhën. Më 31 janar 1997, në një nga betejat e para të Ushtrisë Çlirimtare të Kosovës, ata dhanë jetën për lirinë dhe Kosovën. Sakrifica e tyre mbetet një nga shtyllat kryesore të rezistencës sonë kombëtare dhe një frymëzim i përhershëm për gjeneratat e reja”.
“Në këtë ditë përkujtimi, nderojmë veprën e tyre të lavdishme dhe riafirmojmë përkushtimin tonë për vlerat që ata mbrojtën deri në fund. Lavdi e përjetshme të gjithë të rënëve për lirinë!”, ka thënë Hamza në një deklaratë për Klan Kosova.
Më 31 janar 1997, Zahir Pajaziti, Hakif Zejnullahu dhe Edmond Hoxha kanë rënë dëshmorë në fshatin Pestovë të Komunës së Vushtrrisë dhe janë dëshmorët e parë të UÇK-së.
Ylber Shala
V.I.P
- Anëtar
- Jan 7, 2025
- Postime
- 595
- Pikët
- 63
Fjalët e tua kanë shpirt e zjarr, ashtu si vetë Drenica dhe njerëzit e saj – të besës, të fjalës e të qëndrimit burrëror. Nuk është veç emri ai që e bën njeriun të madh, por veprat, karakteri dhe sinqeriteti që ai mbart. Dhe Drenica ka pasur e do të ketë gjithmonë burra që mbajnë fjalën, që qëndrojnë fort dhe që nuk e lëkunden besën për asgjë në botë.
Njerëzit e vërtetë dallohen nga larg, jo nga fjalët boshe, por nga peshë e tyre dhe mënyra si e mbajnë kokën lart. Kush di të njohë vlerën e një burri të besës, nuk ka nevojë për emra e krahasime. Sepse burrëria nuk matet me fjalë, por me veprime.
Ti e ke thënë më së miri: Drenica ka shumë të tillë, e kush di të dallojë, i gjen gjithmonë ata që ia vlejnë!
Ylber Shala
V.I.P
- Anëtar
- Jan 7, 2025
- Postime
- 595
- Pikët
- 63
Kjo është një taktikë e njohur e armiqve tanë historikë: të vrasin vetë dhe pastaj të akuzojnë shqiptarët për krimet e tyre. Kjo nuk është asgjë e re, por një vazhdimësi e metodave të tyre për të kriminalizuar luftën tonë të drejtë dhe për të përçarë popullin tonë. Rasti “Panda” është një shembull i qartë se si ata nuk hezitojnë të vrasin edhe fëmijët e vet për të ndërtuar një narrativë kundër shqiptarëve.
Trimat tanë, si Zahiri dhe të tjerët, janë mbrojtësit e lirisë sonë, dhe populli gjithmonë i ka mbrojtur ata, sepse e di që lufta e tyre ishte për drejtësi dhe dinjitet kombëtar. Prandaj, nuk duhet të habitemi kur armiku përpiqet të manipulojë historinë – këtë e ka bërë gjithmonë. Detyra jonë është të mbrojmë të vërtetën dhe të mos lejojmë që propaganda e tyre të na përçajë.
Ylber Shala
V.I.P
- Anëtar
- Jan 7, 2025
- Postime
- 595
- Pikët
- 63
Lavdi e përjetshme heronjve të parë të UÇK-së, Zahirit, Hakifit dhe Edmondit! Sakrifica e tyre është gurthemel i lirisë sonë dhe frymëzim për brezat që vijnë. Kosova qëndron falë gjakut të tyre dhe të gjithë atyre që luftuan për liri. Nuk harrojmë!
Llapi
V.I.P
- Anëtar
- Dec 22, 2011
- Postime
- 27,807
- Pikët
- 113
Informacioni KTU
Hasan Zeneli - njeriu i cili e spiunoi Zahir Pajazitin.Në vitin 1997, mediat të cilat e përcollën gjykimin e Hasan Zenelit raportuan se Hasan Zeneli ia kishte puthur dorën gjyqtares serbe Danica Marinkoviq dhe kishte spiunuar Zahir Pajazitin!
Last edited:
Llapi
V.I.P
- Anëtar
- Dec 22, 2011
- Postime
- 27,807
- Pikët
- 113
Shkupi prangat do t'i shkrinë Komandanti kur thirr n'Prishtinë | By Rrustem | Facebook
Shkupi prangat do t'i shkrinë Komandanti kur thirr n'Prishtinë
www.facebook.com
Last edited:
Llapi
V.I.P
- Anëtar
- Dec 22, 2011
- Postime
- 27,807
- Pikët
- 113
PODUJEVA
Zahir PajazitiZahir Pajaziti – Fillimi i Epokës së Lirisë
Zahiri, komandanti që vrau frikën dhe ringjalli shpresën
Ditëlindje Nëntor 01. 1962
Zahir Pajaziti – Fillimi i Epokës së Lirisë
Zahiri, komandanti që vrau frikën dhe ringjalli shpresën
Formimi i Ushtrisë Çlirimtare të Kosovës
Para se të analizohen mënyrat dhe motivet e formimit të Ushtrisë Çlirimtare të Kosovës duhet pasqyruar parahistoria e përplasjeve shqiptaro-serbe për përkatësinë e Kosovës.
Kosova ka qenë dhe do të mbetet gjithmonë territor me identitet administrativ e politik. Në periudhën antike ajo njihej si Dardani, ndërsa gjatë sundimit osman si Vilajeti i Kosovës – territor shumë më i gjerë se Kosova e sotme, që përfshinte edhe Sanxhakun, Luginën e Preshevës dhe Maqedoninë Perëndimore. Qendra e këtij vilajeti ishte Shkupi, ndërsa shumica absolute e popullsisë ishte iliro-shqiptare.
Pra, Kosova gjithmonë ka pasur status të veçantë – një realitet që nuk e krijoi NATO-ja, por historia dhe tradita e shqiptarëve.
Nga demonstratat te ndërgjegjja kombëtare
Në vitin 1968, valët e demonstratave studentore që përfshinë Evropën arritën edhe në Kosovë. Në Prishtinë, studentët e Fakultetit Juridik kërkuan ndryshimin e statusit politik të krahinës, duke e arritur fshirjen e nocionit “Metohi” dhe duke e zyrtarizuar emrin Krahina Autonome e Kosovës.
Këto demonstrata sollën ndryshime të mëdha kushtetuese, që kulmuan me Kushtetutën e vitit 1974, e cila e afroi Kosovën me statusin e republikave federative.
Kjo situatë ndryshoi balancat: serbët humbën privilegjet që kishin, e humbjen e përjetuan si diskriminim. Kështu filloi propaganda e shkrimtarit serb Dobrica Qosiq për “albanizimin e Serbisë”.
Nga 1981 te fundi i Jugosllavisë
Demonstratat e vitit 1981, të nisura nga studentët, kërkuan që Kosova të shpallej Republikë, njësoj si republikat e tjera të Jugosllavisë. Kjo kërkesë e drejtë u përball me represion brutal.
Shqiptarët kërkonin barazi kombëtare – jo më shumë, por as më pak.
Serbia, e frikësuar nga vetë ekzistenca e këtij vitaliteti, nisi procesin e përplasjes që përfundimisht e rrëzoi vetë Jugosllavinë. Duke dashur ta “rregullojë vetullën”, Serbia e nxori syrin.
Në fund të viteve ’80 nisi “revolucioni i jogurtit”, ku nacionalistët serbë, nën dirigjimin e Millosheviqit, e shndërruan Kosovën në armikun kryesor. Kisha, komunistët dhe Akademia e Shkencave Serbe u bashkuan në propagandën kundër shqiptarëve.
Në vitin 1989, me tanket e ushtrisë, Millosheviqi abrogoi autonominë e Kosovës, duke e kthyer në provincë të Serbisë.
Më 28 qershor, në 600-vjetorin e Betejës së Kosovës, ai shpalli para turmës se “as betejat ushtarake nuk përjashtohen” – preludi i tragjedisë që do të pasonte.
Rruga drejt rezistencës së armatosur
Më 2 korrik 1990, deputetët shqiptarë shpallën Deklaratën Kushtetuese, me të cilën Kosova u shpall Republikë e barabartë me njësitë e tjera të Jugosllavisë. Serbia reagoi me dhunë: mbylli institucionet dhe përjashtoi shqiptarët nga jeta publike.
Si përgjigje, shqiptarët ngritën sistemin paralel – arsim, shëndetësi, kulturë e informim. Mungonte vetëm komponenta ushtarake, pa të cilën nuk mund të çlirohej asnjë popull.
Për vite me radhë, politika kosovare mbeti e përkushtuar ndaj rezistencës paqësore, edhe pse Serbia zhvillonte luftëra në Kroaci e Bosnje.
Por pas marrëveshjes së Dejtonit (1995), kur çështja e Kosovës u anashkalua, u kuptua se pa luftë nuk do të kishte as drejtësi, as liri.
Në këtë kohë, ndërsa populli po braktiste vendin, nga shtresat e panënshtruara u dëgjua zëri i ri: tri gërma magjike – UÇK.
Ishte dhurata më e madhe që lëvizja kombëtare i dha popullit të vet në fundin e shekullit XX.
Kjo ishte Epoka e re – Epoka e UÇK-së.
Lindja dhe organizimi i UÇK-së
UÇK-ja lindi si përvojë e një rezistence gjysmëshekullore kundër shfarosjes, shpërnguljeve e asimilimit.
Kundërvënia ushtarake ishte gjuha e vetme që e kuptonte okupatori.
Luftëtarët e UÇK-së, të vetëdijshëm për rrezikun, hynin në aksione me guxim të jashtëzakonshëm për të dëshmuar kapacitetin moral, ushtarak e organizativ të shqiptarëve.
Pas shumë përpjekjeve, u formuan grupet guerile, u krijuan lidhjet logjistike, fondet “Vendlindja thërret” dhe rrjeti i mbështetjes në diasporë.
Në fillim të viteve ’90, u hodhën themelet e organizimit të plotë, me disiplinë, konspiracion dhe përgjegjësi të lartë kombëtare.
Vitet 1994–1995 shënojnë strukturimin e njësive guerile në gjithë Kosovën dhe ngritjen e Shtabit Operativ.
Në këtë periudhë, për shkak të përvojës dhe rezultateve në terren, në krye të organizimit u vendos një emër që do të bëhej simbol i luftës çlirimtare: Komandant Zahir Pajaziti.
Zahir Pajaziti – fryma e luftës për liri
Kur të tjerët ishin lodhur e dorëzuar, Zahir Pajaziti u shfaq me bindjen e patundur se kryengritja ishte e mundshme dhe fitorja e pashmangshme.
Ai fliste, vepronte dhe organizonte, duke i frymëzuar të gjithë rreth vetes.
Sfidoi frikën, lokalizmin dhe pesimizmin.
Krijoi njësi në çdo pjesë të vendit, gjithmonë në ballë të frontit, derisa ra heroikisht më 31 janar 1997 bashkë me Hakif Zejnullahun dhe Edmond Hoxhën.
Rënia e tyre shënoi kthesën përfundimtare: frika u vra, populli u ngrit dhe rruga drejt lirisë u hap.
Falë këtij njeriu dhe brezit të tij, sot Kosova është e lirë dhe shqiptaria ka miqtë më të mëdhenj të botës demokratike.
Zahir Pajaziti nuk ishte vetëm komandant i UÇK-së – ai ishte komandant i shpresës kombëtare.
Llapi
V.I.P
- Anëtar
- Dec 22, 2011
- Postime
- 27,807
- Pikët
- 113
Bedri Hamza kujton Pajazitin, Zejnullahun e Hoxhën: Sakrifica e tyre i dha drejtim lirisë sonë
Në përvjetorin e rënies heroike të Zahir Pajazitit, Hakif Zejnullahut dhe Edmond Hoxhës, kryetari i Partisë Demokratike të Kosovës, Bedri Hamza, ka kujtuar me nderim sakrificën e tyre, duke thënë se ajo ishte vendimtare për rrugën drejt lirisë së Kosovës.
“Në përvjetorin e rënies heroike të Zahir Pajazitit, Hakif Zejnullahut dhe Edmond Hoxhës, kujtojmë me nderim sakrificën e tyre, e cila i dha drejtim lirisë sonë. Komandanti Zahir Pajaziti ishte mishërim i guximit dhe i vendosmërisë në një kohë kur liria dukej e largët dhe e pamundur”, shkroi ai.
Hamza tha po ashtu se rënia e tyre, ashtu si sakrifica e çdo dëshmori të Ushtrisë Çlirimtare të Kosovës, përbën themelin e shtetit të Kosovës dhe mbetet kujtesë e përhershme e sakrificës shekullore të popullit shqiptar.
“Rënia e tyre, ashtu si sakrifica e çdo dëshmori të Ushtrisë Çlirimtare të Kosovës, përbën themelin e shtetit dhe mbetet kujtesë e përhershme e sakrificës shekullore të popullit tonë. Lavdi e përjetshme dëshmorëve të lirisë!”, shkroi Hamza.
Llapi
V.I.P
- Anëtar
- Dec 22, 2011
- Postime
- 27,807
- Pikët
- 113
Memli Krasniqi: Zahir Pajaziti jetoi heroizmin, nuk e kërkoi atë
31 janar 2026| 15:02“Në agimin e lirisë, 29 vjet më parë, ranë në rrugën e shenjtë heronjtë Zahir Pajaziti, Hakif Zejnullahu dhe Edmond Hoxha.
Për Zahirin flasin shokët: ai nuk e kërkoi heroizmin, por e jetoi. I qetë në vendim, i pathyeshëm në besim dhe i vendosur në veprim.
Lavdi e përjetshme dëshmorëve të lirisë!”
Kështu ka shkruar ish-kryetari i Partisë Demokratike të Kosovës (PDK), Memli Krasniqi, pas homazheve të bëra te busti i heroit Zahir Pajaziti, me rastin e përvjetorit të 29-të të rënies së tij, së bashku me Hakif Zejnullahun dhe Edmond Hoxhën.
Llapi
V.I.P
- Anëtar
- Dec 22, 2011
- Postime
- 27,807
- Pikët
- 113
Mbesa e Hakif Zejnullahut, Kurtit: Bëni diçka për çlirimtarët në Hagë
NACIONALE25 minuta më parë
15:36
Mbesa e heroit të kombit, Floreta Zejnullahu, i ka kërkua kryeministrit në detyrë Albin Kurti që të bëj diçka për lirimin e ish-rerëvë të UÇK-së, të cilët po gjykohen në Hagë.
Këtë kërekse ajo ia ka bërë Kurit në konakun e saj, pasi Kurti kishte shkuar në shtepinë e tyre për përvjetorin e rënies së Hakif Zejnullahut, Zahir Pajzitit dhe Edmond Hoxhës.
“Në emër të familjes ju falënderojmë, por edhe ju lusim, sepse për ne si familje është tragjedi kur i shohim bashkëluftëtarët e axhës tim, por edhe të Zahirit, kur i shohim që sot përballen me padrejtësi në Hagë, ku ishte dashur edhe ju si institucione të bëni që ata të kthehen faqebardhë”, ka thënë Zejnullahu, e cila dikur ka qenë edhe deputete e PDK-së.
Llapi
V.I.P
- Anëtar
- Dec 22, 2011
- Postime
- 27,807
- Pikët
- 113
Beteja e Llapashticës
HALIME MURATI - vasha e Çetës së Llapit
Frikën ua fale liliputëve,
dëshpërimin pesimistëve,
urrejtjen fashistëve.
Ishe vashë e guximshme,
që s’njihte dorëzim.
Edhe pse ende fëmijë,
luftove me shpirt e zemër,
Kosovës për t’i dhënë emër.
Në ilegalitet të njohën
me nofkën e ëmbël “LIRIA”.
Me fjalën tënde të matur,e me peshë,
zemrat e rinisë llapjane i mbushje me shpresë —për liri e ardhmëri.
Emri yt u bë betim,
që flamuri të valojë,
e kënga të jehojë,
derisa Kosova
të bëhet me Zot shtëpie.
Halime Murati — emblemë e guximit dhe krenarisë shqiptare!
shkruan: Arif Ejupi
Gjenevë, 10 prill 2026
Llapi
V.I.P
- Anëtar
- Dec 22, 2011
- Postime
- 27,807
- Pikët
- 113
Latif Gashi
Lënia në harresë e komplekseve memoriale nga institucionet shtetërore nuk është thjesht neglizhencë, por një alarm serioz për mënyrën se si po trajtohet kujtesa jonë historike.
Heqja e punëtorëve të sigurisë dhe të mirëmbajtjes, mungesa e ciceronëve dhe e kujdesit institucional në Kompleksin Memorial “Varrezat e Dëshmorëve” dhe Muzeun e Dëshmorëve në Penuhë, në Kompleksin Memorial “Zahir Pajaziti” në Orllan, si dhe në Kompleksin Memorial “Baza e Parë e UÇK-së” në Lladovc, ka krijuar kushte që këto vende të mbeten të pambrojtura dhe të degradohen dita-ditës.
Dëmtimi i Kompleksit Memorial “Zahir Pajaziti” në Orllan është një akt i turpshëm, i papranueshëm dhe çnjerëzor. Sulmi ndaj memorialeve nuk është vetëm sulm mbi gurët dhe objektet, por mbi kujtesën historike, mbi sakrificën e dëshmorëve dhe mbi vlerat mbi të cilat u ndërtua liria e Kosovës.
Përgjegjësia kryesore bie mbi institucionet shtetërore, të cilat kanë detyrim ligjor, moral dhe kombëtar të sigurojnë ruajtjen, mbrojtjen dhe mirëmbajtjen e këtyre komplekseve. Këto nuk janë projekte të zakonshme; janë projekte kombëtare, monumente të historisë sonë dhe vende që duhet të edukojnë brezat e rinj me respekt për lirinë dhe sakrificën.
Ruajtja e komplekseve memoriale nuk është çështje politike, por detyrim shtetëror dhe kombëtar. Respekti për dëshmorët nuk dëshmohet vetëm me fjalë e ceremoni përkujtimore, por me përkushtim të vazhdueshëm për mbrojtjen dhe mirëmbajtjen e vendeve që përjetësojnë veprën e tyre.
