Poezi nga Danel Cana

[Ali Baba Tepele]

- VIOLINA LABE

Një qind violina ti bësh bashkë,
s'ka si kënga ime!
Kënga labe është e lashtë,
si tingull violine!

S'jam i vetëm që e çmoj këngën,
po unë e kam lartësuar!
Në UNESKO e shpunë brengën,
atje e kanë vlerësuar!

Kënga labe është kënduar,
shkrepave si shpirt i lirë!
Trimat i ka mbajtur zgjuar,
gjumi në qerpik të ngrirë!

Është e butë, e hyn në zemër,
pa kuptuar të pushton!
Ashpërsohet, ta thyen zemrën
dhe rrufe mbi të lëshon!

Është e qetë si det pa dallgë,
varkëz e bukur lundron!
Ngrihet, shpërthen si uragan,
nëntë ball dallgën e çon!

Kënga labe si violinë,
e luajtur me mjeshtëri!
Përball saj të heshtur rrinë,
nuk nxjerr zë tjetër njeri!

Është e bukur, e pa vdekshme,
është këngë e vëndit tim!
Do të mbetet e përjetëshme,
edhe për brezat që vijnë!
@cana

 

[Ali Baba Tepele]

- LIGJI ZI

Vijnë kujtimet më pushtojnë,
për vendin tim në rini!
Kisha një shtëpiz të ngrohtë,
për të kisha dashuri!

Aty i thura gjithë ëndërrat,
për jetën në përgjithësi!
Çdo moment më vjen ndërmend,
s’më hiqet shpirti nga ti!

Përmbi breg një odë e madhe,
shihte jug edhe veri!
Në lindje mali me halle,
perëndimi ngjyrë gri!

Një barçe mbushur me pemë,
djersë e babait është aty!
Koha ma prishi folenë,
u çfaq emigrim i zi!

Sot jam larg, në tjetër vend,
por e mbaj thellë në gji!
Vendin ku kisha vatanë,
ku piva të ëmblin gji!

Qeveria në Tiranë,
nxori dhe një ligj të zi!
Më ndaloj ta marrë vatanë,
që e kisha me tapi!

E quajtën demokratike,
shtatë mij e pesë qind e një!
Ligji përçau dynjanë,
derdhi gjak në vëllezëri!
@cana

 

[Ali Baba Tepele]

- DASHURIA E GDHENDUR

Për ty rri ende në male,
për ty, dashuri e gdhendur!
Syt e zesë me vesë i lave,
kush s'më njeh, më quan të çmendur!

Çmendet femra për një burrë,
çmendet burri për një femër!
Ndienja që nuk u shit kurrë,
dashuria ka një emër!

Malet e gëzojnë lirinë,
atje mbush mushkritë me ajër!
Malet janë për djalërinë,
dashuria qoftë për hajër!

Të dëgjoj, moj thëllëz mali,
herë këndon e herë qan!
Këngën tënde ma do xhani,
të kam vënë dhe në nishan!

Mali i lartë na bashkoi,
mali që brengën s’e mban!
Kur këngën tënde dëgjoi,
edhe diellin peng e mban!

Ç’i jep gjallëri gjithë botës,
fle e ngrihet me dëshirë!
Burimi që del prej tokës
dhe kënga e zogut të lirë!

Çoban i ëndërrave të mia,
gdhihem, ngrysem nëpër male!
Ç’është për ne kjo dashuria,
pak më shumë botës ti falet!
@cana

 

[Ali Baba Tepele]

- Ç’FAJ NA KA SHQIPËRIA

Që kishte armiq e dija,
jo ta urrenin kaq shumë!
Që të vuante Shqipëria,
nga bijtë e saj, o lum!

Që kishte armiq e dija,
njerëz që s'na duan fare!
Po ç’faj na ka Shqipëria,
kur shpirtin e shet me pare!

Urrejtja, njëlloj si shiu,
s’di ku bie, edhe kë lag!
Zgjidhje e vetme është njeriu,
të keqes t’i qëndroj larg!

Populli është si fëmija,
i plotësohet çdo dëshirë!
Po kur të vjen pleqëria,
do mendohesh mirë e mirë!

Ç’faj na ka ne Shqipëria,
për çdo dit i hapin plagë!
Se kuptuan as bijtë, as bijat,
edhe ata që janë larg!

Kur janë larg e kërkojnë,
plagëhapur po rënkon!
Kur vijnë pranë s’e besojnë,
askush plagën s’ia mjekon!

Ç’është kështu vëllezrit tanë,
ju të gjakut shqipëtar!
Si lejoni mor amanë,
vjen i huaj e tërheq zvarrë!

Si i bashkoheni të huajit,
që hapur nuk na do kurrë!
Shqipërinë e kanë quajtur,
si grua e ve, pa burrë!

Pa burrë e pa djal në votër,
e kanë sharë si të përdalë!
A do t’i mbrojmë nënë e motër,
që zemra t’u bëhet mal?
@cana

 

[Ali Baba Tepele]

- AS VEND PËR VARR

Armiku ka planet e tija,
të mos bëhet Shqipëria!
Të heq dorë nga krenaria,
të jet me kushte liria!

Planet që armiku pati,
përpara syvet i hapi!
Merak për detin e kapi,
nuk jan të rinj nga zanati!

Po ç’do bëni mor qyqarë,
gjithë ç’jeni shqipëtarë!
Armiku lëshon zagarë,
detin po e bën ugarë!

Ku shkoj krenaria jote?
Ajo që kishe ndër mote!
Dhe sado që u përpoqe,
për një grusht para u çkoqe!

Ç’e do ti paranë për vënd,
kush e blen, fshin emrin tënd!
Të ofrojnë ar dhe argjëndë,
as për varr mos shko ndër mënd!
@cana

 

[Ali Baba Tepele]

- NUK DO TRADHTI ATDHEU

Kush i tradhtoi spartanët?
Efialti një palo burrë!
Shtegun tregoi tek persianët,
historia s'harron kurrë!

Efialti një shpirt i keq,
i joshur nga pasuria!
Për inat e mos më keq,
s'drejtoj dot gungat e tij!

Gungaç ishte, gungaç mbeti,
po në histori u shkrua!
Tradhtis ia pa lezetin,
brenda natës u martua!

Tradhtia është e rëndë,
pabesisht të ha pas krahëve!
Si e tradhton vendin tënd...
shkel mbi gjakun e të parëve!

Nuk është e mirë tradhtia,
po bota ka njohur shumë!
Nga çdo racë njerëzia,
me tradhti ka rën në gjumë!

Mos u bëni si Efialti,
si Bruti dhe si Hamzai!
Vjen një ditë dhe ndërron fati,
po atdheu s’do t’jua falë!
@cana

 

[Ali Baba Tepele]

- TEK DRITA SHPRESOJ

Iku gjysmë jete,
edhe ca mbi të!
Ëndërrën kush ma prishi,
apo s'bëhet gjë?

Ëndërrën kush ma prishi,
jeta s'më gëzoi!
U treta i gjithi,
nëpër lot më shkoi!

Ëndrrën kush ma prishi
dhe vendin për lumë!
Ku ta drejtoj gishtin,
ata janë shumë!

Më ndihmo o popull,
për gryke ti kapim!
Ata që na vodhën,
drejtësis t’ia japim!

Mos ul kokën o Atdhe,
ti je ëndrra jonë!
Çdo bijë edhe bir që ke,
gjithmon të nderon!

Ikin vitet ikin,
për të gjithë njësoj!
Liria s’njeh frikë,
tek drita shpresoj!
@cana

 

[Ali Baba Tepele]

- SAMI ARIXHIU
(parodi)
Vdiq edhe Samiu,
shpirti i tij i lirë!
Sami arixhiu,
një njeri i mirë!

Nëntë herë u martua,
s’i qëndronin gratë!
Samiu që thua,
pinte natë për natë!

Ç’a pinte i ziu,
tre dopjo me fund!
Fshehurazi si miu,
pastaj donte gjumë!

Në tregun fshatar,
i binte hiles!
Të shiste gomarë,
veç nja katër a pesë!

Sy më sy të hidhte,
sirrën ashiqare!
Zinte dhe bërtiste...
Mos u afro fare!

Me gruan e fundit,
pati tre fëmij!
Nuk i ngjanin fare,
as për arixhi!

Dinte të punonte;
shporta dhe kanistra!
Shkonte arixhofka,
i shiste të gjitha!

S’rrinte dhe gjezdiste,
grykës së përrenjve!
Çadrën e ujdiste,
shtratit të lumenjve!

Eh, Samiu shkretë,
iku pa kuptuar!
Si rriti dot djemtë,
t’i kishte martuar!
@cana

 

[Ali Baba Tepele]

- VENDI KU PIVA SISË

Frymë merr rrëzë Shëndëllis,
fshat i vogël është ai!
Vendi ku unë piva sisë,
Vagalati, miqtë e mi!

Ku linda, u bëra burrë,
u largova në rini!
Nga shpirti nuk e heq kurrë,
Vagalati, miqtë e mi!

Ju, dallandyshe që shkoni,
shetisni në Shqipëri!
Fshatin tim kur ta kaloni,
Vagalati, miqtë e mi!

Fjalë nga emigracioni,
të m’i çoni porosi!
Nuk të harroj, të m’i thoni,
Vagalati, miqtë e mi!

Do vijë dita të shikoj,
këmba të shkel përsëri!
Zemra do më fluturojë,
Vagalati, miqtë e mi!

Aty flen ëndrrat e mia,
zbukurohesh edhe ti!
Zhuritem nga dashuria,
Vagalati, miqtë e mi!
@cana

 

[Ali Baba Tepele]

- ZILET PUSHOJNË
(satirike)
Gjithë jetën e harxhova,
duke zbuluar hilet!
Tani që i zbulova,
nuk punojnë më “zilet”!

Gjithë jetën u mundova,
të gjuaja pa bujë!
Tani që shenjën mësova,
“baruti ka marr ujë”!

Gjithë jetën u mundova,
më iku treçereku!
Tani që shenjën mora,
nuk punon “dyfeku”!

Gjithë lajkat që mësova,
tani më duken dokrra!
Njeriu përfundoka,
si një pemë pa kokrra!

Tani që pleqërova,
ta nisja nga e para!
Në jetë do provoja,
aventura të papara!

Gjith jetën e harxhova,
që hilet ti zbuloja!
Të gjitha posht i hodha,
ka mbetur veç goja!

Për pak gjoks të dukej,
dikur ethet më zinin!
Tani dhe sisët tunden,
të fle gjumë, më lini!
@cana

 

[Ali Baba Tepele]

- FYTYRA E TRADHËTISË

Sali Berisha o tradhëtar,
njeriu pa nder dhe gjak!
Ti me kohë duhesh në litar,
për popullin, burgun e ke pak!

Kishte kohë që s’kishte parë,
Shqipëria, një “krimb” si ti!
Me politikë i bëre varrë,
popullin e zhyte në zi!

Mbushe vendin me hoxhallarë,
islamin e fute në gji!
Me pathos urren emrin shqiptar,
gjith popullin e do në robëri!

Nuk je i vetëm o gjynahqar,
me hiena krijove parti!
Lirinë dhe nderin i more zvarrë,
qëndron me të keqen përmbi!

Ta dish, ende nuk ke mësuar,
një ditë do të japësh llogari!
Se haku i të drejtës rri zbuluar,
shpirti i një kombi e di!
@cana